CHAPTER 14
BAD MOOD
MAINIT ANG ULO ni Jethro dahil sa nangyari kahapon. Hindi niya inaasahang bisita ang mga kaibigan niya at kasama pa ang pinsan niyang si Lily. Para siyang isinalang sa pugon. At mas lalo siyang nainis nang tawagan siya ni Lily pagkauwi nito at inaya siyang makipagkita rito ngayong araw.
At ngayon ng ay nasa bahay siya ng pinsan. Paniguradong wala siyang kawala sa mga interogasyon ng pinsan niya at ng tiyahin niya.
“ Mabuti at naalala mo pa akong bisitahin, Jet-Jet. Akala ko'y nakalimutan mo nang may kamag-anak kang dapat kumustahin, ” himig nagtatampong wika ng kaniyang Tita Lilian. Bunsong kapatid ito ng yumao niyang ina.
At Jet-Jet ang tawag nito sa kaniya. Ito lang ang tumatawag sa kaniya ng ganoon. Ayos lang sa kaniya noon ang pangalang iyon dahil baby pa siy
