Napagdesisyunan namin sa may likod mag-inuman, malapit sa pool side, dahil may mga upuan at lamesa room.
May dala na rin si Adonis na baso at juice. Tinawanan ko naman siya nang makita ko iyong dala niyang juice.
“Aanhin mo iyong juice?” tanong ko sa kanya matapos kong tawanan siya.
“Chaser kuno. Kahit sa tingin ko ay hindi mo naman kailangan ng ganito dahil mukhang sanay ka,” natatawa rin niyang sabi sa akin. Hindi na ako umangal sa kanya at napailing na lang.
“Lagot ka kay Manang bukas kapag nakita niyang may nawawalang juice roon,” pagbibiro ko kahit alam ko naman na hahanapin lamang iyon ni Manang tapos ay wala na. Hindi naman big deal sa kanila dahil ang dami nilang imbak na pagkain dito sa bahay.
Nagsalin ako sa baso at uminom agad. Pinanood naman ako ni Adonis. Laglag panga siy
