Nakarating na kami sa isang mall dito sa Sta. Cruz. Sa bukana lamang iyon at hindi mo kailangang pumasok ng bayan kaya naman mabilis lamang ang naging byahe namin. Nag-park lamang si Gio at pareho na kaming lumabas ng sasakyan.
Agad kaming dumiretso sa supermarket at nagsimula nang mamili ng mga dapat bilhin. Iniisa-isa namin ang bawat pasilyo ng pamilihan para mahanap ang mga gamit o pagkaing kailangan naming bilhin.
Tumutulong naman si Gio pero hindi pa rin napapabilis ang pagbili namin ng mga nasa listahan kaya’t umisip ako ng paraan.
“Sir, okay lang ba na maghiwalay tayo. Kayo na ang maghanap nito at ako naman dito sa isang listahan na ito. Magkita na lang po tayo sa isang counter mamaya para mabayaran ang mga ito,” suhestiyon ko. Alam ko na mababa ang posibilidad na pumayag siya. S
