Nakahilera ang mga katulang at ang iba pang trabahante habang naghihintay kami sa pagdating ni Ma’am Leonor at Sir Santiago kasama ang kanilang mga bisita.
Nararamdaman ko na ang panlalamig ng aking kamay kaya naman ay pinipisil-pisil ko ito ng marahan upang kahit papaano ay bumalik ito sa normal na init nito.
Si Manang ang naggaya sa kanila papunta rito kaya nang makita namin si Manang ay agad kaming tumayo ng tuwid dahil alam namin na kasunod na nito ang mga Benavidez. Kasunod naman ni Manang si Gio at ang kanyang mga magulang. Sa likod nina Sir Santiago ay dalawang lalaki at isang nakangiting babae.
Agad nagtindigan ang aking balahibo at kinilabutan nang makita ko ang dalawang lalaki. Kung hindi ako nagkakamali ay iyon ang dalawang nakatatandang kapatid ni Sir Santiago at hindi nga
