Mabigat ang aking dibdib at halos wala ako sa sarili nang makalabas ako sa elevator. Muntikan pa akong mabunggo sa isang sasakyan dahil sa pagkatulala ko. Agad akong humingi ng paumanhin sa may-ari ng sasakyan at naglakad na sa natatandaan kong lugar kung saan nag-park si Isaac.
Naroroon na si Isaac pero mukhang may kausap pa rin ito. Napansin niya ako kaya’t pinagbuksan niya ako ng sasakyan. Agad naman akong pumasok sa loob at tumulalang muli.
“Sige po, Sir Silas. Ipapaabot ko po kay Sir Gio iyang mensahe niyo ni Sir Zav.” Matapos iyong sabihin ni Isaac sa kanyang kausap ay tumingin siya sa akin bago paandarin iyong kanyang sasakyan.
“Nagkita kayo ni Sir Gio?” tanong niya sa akin bago i-atras ang sasakyan upang makalabas na kami ng parking lot.
Isang matipid na pagtango lamang ang isi
