Julian's POV
Maaga akong gumising. Naaamoy ko ang pagkaing niluluto sa kusina kaya lumabas ako ng silid. Inabutan ko si Thomas na nagluluto ng agahan habang si Lucio naman ay umiinom ng mainit na kape.
"Uuwi na ako sa asawa ko after nating mag-agahan. Kung gusto pa ninyong mag-stay dito okay lang sa akin. Baka umiiyak pa rin ang asawa ko hanggang ngayon dahil hindi ako umuwi." Bigla silang napalingon sa akin at masaya nila akong nilapitan.
"Buti naman! Siguradong matutuwa ang asawa mo sa oras na makita ka niya. Dito muna ako kasi may pinagtataguan akong babaeng makulit," ani ni Thomas kaya natawa kami ni Lucio. Parati na lamang may tinatakasang babae ang gagong ito. Baka sa susunod ay mapipikot na lamang ang mokong na 'to.
"Sino na naman ang nabiktima mong gago ka? Sa susunod mapipikot
