────⊱⁜⊰────
Dalawang buwang mahigit ng hindi nakakauwi si Julian sa mansion dahil marami silang problemang kinakaharap sa Milan. Araw-araw ay tinatawagan ni Julian si Nimfa upang hindi ito parating umiiyak. Nasasanay na rin naman si Nimfa na hindi niya nakikita si Julian na ikina-iinis naman ng binata. Katulad ngayon ay tumatawag ito kay Nimfa ngunit kanina pa siya tumatawag ay hindi man lamang ito sinasagot ng dalaga.
Alam ni Julian na tapos na ang pagtuturo kay Nimfa sa mga oras na ito kaya walang dahilan upang hindi niya sagutin ang tawag niya.
Nakakaramdam ng matinding pagkainis si Julian dahil ano ba ang pwedeng pagkaabalahan ni Nimfa sa mga oras na ito upang hindi siya nito sagutin.
"Mainit yata ang ulo mo?" ani ni Thomas ng lumalapit ito sa kanya sabay abot ng isang bote ng mala
