Julian's POV
Kararating lamang namin dito sa Milan. Wala ni isa man ang nagnanais na magtanong sa akin. Lahat ay tahimik tungkol sa nangyaring kasalan sa amin ni Nimfa bago kami umalis ng Pilipinas.
"Okay ka lang? Walang honeymoon?" Napatingin ako kay Marcus kaya napailing ako at natawa ng mahina.
"Bakit mo siya pinakasalan?" Hindi ako kumibo sa tanong ni Marcus. Naglakad ako patungo ng kusina at naghahanap ako ng makakain dahil hindi pa tapos magluto ang mga kasambahay ng lolo nila Marcus.
"Hindi mo kami maiiwasan Julian. Kailangan naming malaman kung ano ang pumasok sa utak mo at pinakasalan mo si Nimfa. Alam naming may pagtingin ka sa kanya pero kilalang-kilala ka rin namin na wala sa linyahan mo ang salitang kasal matapos ang nangyari sa nakaraan mo. Ano ba talaga ang nangyari? Pin
