"ANONG SINABI MO, Bebang? Nahimatay si Ysabelle?" Si Donya Elvira. Bigla itong napabangon mula sa hospital bed nang marinig ang balita ng katulong nila sa mansion na siyang pansamantalang nagbabantay sa kaniya sa hospital habang wala si Edmund.
"Opo, Señora. Buti nga ho'y nasalo siya ni Señorito Ryder kundi naku! Baka ho kung hindi basag ang bungo, nakunan siya." Bira ng matabil na katulong.
Nanlaki ang mga mata ng señora. Mukhang naniwala agad ito sa kuwentong kuneho ni Bebang.
"Nasaan sina Edmund at Ryder?"
"Eh, umuwi ho saglit si señor sa mansion. Baka po mamaya pa pupunta rito. Si Señorito Ryder ho, eh mukhang kasama pa rin si Ysabelle. Aba'y kung hindi, e bakit wala pa siya rine?" Diniinan pa nito ang salitang 'kasama', sabay ismid. Halatang hindi ito boto sa isiping magkasama
