"Ryder, you can stay here with us. Hindi naman ninyo kailangan pang bumukod ni Ysa?"
"Ma, nag-aalala ba kayo na baka hindi ko kayang alagaan si Ysa at ang..." Tinapunan muna siya ng tingin ni Ryder. "Ang baby?"
Napayuko si Ysa at nagkunwang abala sa pagkain pero ang totoo'y nasa mag-inang nagtatalo ang buong atensyon niya. Ipinaalam ni Ryder sa mga magulang ang plano nilang bumukod ng tahanan pagkatapos ng kasal pero ayaw pumayag ng donya. Batid niyang tututulan ng matanda ang bagay na iyon pero sa maikling panahon na nakilala niya si Ryder, alam niyang hindi ito papayag sa gusto ng ina. Hindi matitibag ang desisyon nito kahit magpumilit ang donya.
"Pagkatapos ng kasal, sa penthouse ko na tayo titira." Naalala niya ang pag-uusap nila ni Ryder, gabi bago ang kanilang kasal. "Mahirap k
