“’Nay, napatawag ka. Kumusta na ang bagong kasal at sina Tiya Landy?” usisa ni Kaira nang sinagot ang tawag ng ina sa cell phone sa gabing iyon habang nanonood siya ng TV.
Pinagitnaan siya ng dalawang alien sa mahabang sofa at nakinood din ang mga ito. K-drama na dubbed version ang pinapanood niya ngayon. Mukhang engrossed pa ang mga ito sa palabas habang kumakain ng ice cream. Pero pasulyap-sulyap naman sa kanya si Prinsipe Dronno.
Minsan nga ay nahuli pa niyang nakatitig lang sa kanya at halos matunaw na ang ice cream sa kamay nito. Sinenyasan niya ito, ininguso ang ice cream, kaya bumalik ito sa pagkain niyon. Dinilaan pa nito iyon na siyang nagpatulala sa kanya nang ilang saglit. Napaisip siya kung paano kaya kung siya ang dinidilaan nito nang ganoon?
Hay, Kaira! Ano na?
“Okay nam
