"Ako na ang magda-drive, Ivan. Doon ka sumakay sa passenger seat at 'yong dalawa mong kaibigan ay sa backseat," seryosong pahayag sa kanila ni Shaira.
At dahil ayaw niyang makipagtalo ay pumayag na lang siya. Sasakyan niya rin ang gagamitin nilang apat.
"Sigurado ka ba, Monique? Medyo malayo-layo ang pupuntahan natin kaya baka mangalay ka," ani Calixto sa babaeng nakaupo na sa driver seat. "Kapag nangalay ka na sabihin mo sa akin para salitan tayo."
Nagtataka siya sa kaibigan niya. Bakit kaya bigla itong bumait pagkatapos nitong kainin ang mga pagkain na dinala ni Shaira kanina? Hindi kaya may gayuma ang mga iyon?
"Ayos lang ako, Cal," anito. Nilingon siya nito. "Ayos ka lang? Isuot mo na 'yang seatbelt mo, Ivan. Gusto mo ba na ako pa ang magsuot niyan sa 'yo?"
"Ako na," matipid niya
