Hindi inaalis ni Shaira ang paningin niya kay Ivan. Kapag nag-aangat ito ng tingin sa kaniya ay agad itong umiiwas at tumitikhim na para bang may nakabara sa lalamunan nito.
Kanina pa ito pumipirma ng mga papeles na wala na yatang katapusan.
Ano kaya ang nangyayari sa lalaking 'to? Bakit pakiramdam niya ay takot na takot ito sa kaniya?
"Hindi ka pa ba uuwi?" tanong nito sa kaniya pagkatapos ng ilang minutong katahimikan.
Tumingin siya sa relong suot niya. "Paalis na, bakit?"
Parang nakahinga ito ng maluwag dahil sa sinabi niya. "Okay," tipid nitong tugon. "Aalis din kasi kami pagkatapos kong mapirmahan ang mga 'to."
"Saan kayo pupunta, Ivan? P'wede ba akong sumama sa lakad n'yo?" tanong niya rito habang nakangiti siya ng malapad. "Isama mo na ako, please? Ako na lang ang magda-driv
