Ipinarada ni Ivan ang sasakyan sa malilim na lugar kung saan may mga naglalakihang puno na nakatanim.
Nang makitang dumating na sila ay nagsitayuan na ang mga tao na sinasabi ni Calix na gagawa ng project ng mga ito.
"Let's go!" Nauna nang umibis si Ivan kasunod sina Alonzo at Calixto. Si Shaira ay nanatili sa loob ng sasakyan dahil tinatamad siyang bumaba.
Isa pa, hindi naman siya kailangan sa lugar na ito. Napatingin siya sa kanang kamao niya nang biglang kumirot iyon.
Halos nangingitim na iyon dahil sa pagsuntok niya sa lalaki kanina. Grabe, ang tigas kasi ng mukha.
"Hey, hindi ka ba bababa?" Biglang binuksan ni Calix ang pinto ng sasakyan kaya nagulat siya. "Bumaba ka na dahil wala kang kasama rito." Bumaba ang tingin nito sa kamao niya. "Ba't nangingitim 'yan? Ano'ng nangyari d
