Bumibiyahe na sila pauwi ngayon. Si Calixto na ang nagmamaneho at si Alonzo na rin ang nakaupo sa passenger seat habang silang dalawa ni Shaira ay magkatabing nakaupo rito sa backseat.
Kinalabit siya nito kaya walang ekspresyon niya itong tiningnan. "Ayos ka lang ba?" tanong nito at itinuro pa nito ang kamao niya. "Hindi ba sumasakit 'yang kamao mo? Bakit ba kasi pinatulan mo 'yong puno? Kung makapagsabi ka sa akin ng baliw, wagas. Pero, ikaw pala itong mas malala. Nananahimik 'yong puno pinatulan mo. Sino ang mas malala sa atin ngayon?" Dinukot niya ang panyo sa bulsa niya at inilagay niya iyon sa bibig nito. "Ang ingay mo."
Inamoy-amoy nito ang panyo na inilagay niya sa bibig nito. "Akin na lang 'to." Nang akmang aagawin niya ito ay itinaas nito iyon sa ere habang nakanguso ito sa kani
