Nandito na si Shaira ngayon sa mansion na pag-aari ng pamilya nina Ivan.
Nagising siya ng maaga dahil namamahay siya.
Hindi kasi siya sanay na nakikitulog sa ibang bahay.
Kaya heto siya ngayon, nakatambay sa kusina habang tulog pa ang lahat.
Iniisip niya kung ano ang lulutuin niya mamaya para sa selebrasyon ng kaarawan ni Yna.
Ate Yna pala. Mas matanda nga pala ito sa kaniya.
Ang sabi kasi nito ay siya na raw ang bahala sa lahat.
Malaki raw ang tiwala nito sa kaniya kaya ipinapaubaya na nito sa kaniya ang mga bagay-bagay dahil wala raw itong alam sa kusina.
Paano kaya nito nasabi na malaki ang tiwala nito sa kaniya gayong isang araw pa lang naman silang magkakilala?
Napabalik lang sa kasalukuyan ang isip niya nang may marinig siya na yabag palapit sa kinaroroonan niya. Ang n
