"Ang sarap ng luto mo, Hija," nakangiting sambit ng daddy ni Ivan na halos paulit-ulit na lang yata nitong pinupuri si Shaira. "Kung ikaw lagi ang magluluto ng mga kakainin ko siguradong tataba ako ng husto, Hija."
"I agree with you, Dad! Ang sarap nga ng luto niya," anas naman ng kapatid ni Ivan na si Yna habang ang asawa naman nito ay tumatango-tango rin at kitang-kita na nagustuhan din ang luto ni Shaira. "Sobrang sarap talaga! Alam mo, napakasuwerte ng mapapangasawa mo."
Pinapaulanan si Shaira ng papuri ng mga kamag-anak niya habang siya ay tahimik lang na nakikinig habang sumusubo ng pagkain.
"Kung naging lalaki lang ako baka pinakasalan na kita, Shaira!" dagdag pa ng kapatid niya sabay tingin sa gawi niya.
Masarap naman talaga ang luto ng kapitbahay niya dahil subok na niya ang m
