Wala na si Nicanor sa harapan ni Shaira pero nananatili pa rin siyang nakatayo sa tapat ng bahay na balak nitong pagnakawan.
Paulit-ulit siyang nagtatanong sa isip kung bakit pagnanakaw ang napili nitong trabaho.
Ang akala niya kasi ay galing ito sa prominenteng pamilya dahil maayos ito kung manamit.
Ang suot nitong damit ay kilalang brand sa ibang bansa.
Ang gamit naman nitong sasakyan ay bagong labas lang noong nakaraang linggo.
Tapos malalaman niya magnanakaw pala ito? Looks can be deceiving 'ika nga nila at si Nicanor ang isa sa mga magpapatunay no'n.
Paulit siyang napabuga ng hangin dahil hindi siya makapaniwala sa natuklasan niya.
Laging kasing isang libo ang ibinabayad nito sa tuwing kumakain ito sa restaurant niya. Kaya iisipin mong isa itong bilyonaryo dahil napakagalanti
