"Hoy, ano 'yan, ha? Ano'ng sinusundot-sundot mo riyan? Hindi ka talaga titigil hangga't hindi mo nananakawan ang bahay na 'yan 'no?"
"f**k!" Narinig ni Shaira na napamura si Nicanor nang mahuli niya itong binubuksan ang pinto ng bahay na katapat ng bahay niya.
Kung dati ay sasakyan ang gamit nito, ngayon naman ay motor na. Wala kasi itong suot na helmet kaya agad niya itong nakilala.
Talagang pursigido ito na pasukin ang malaking bahay na hanggang sa ngayon ay hindi niya pa alam kung sino ang may-ari.
"Hoy, Nicanor! Ano 'yan, ha? Huwag mong sabihin sa akin na nagpagawa ka pa talaga ng duplicate key para lang mapasok ang bahay na 'yan? Ilang araw na kitang hindi nakikita kaya akala ko nagbago ka na, 'yon pala nag-effort ka lang na magpagawa ng susi. Ang tindi mo talaga!"
Imbes na h
