"Ano'ng trabaho mo, Hija? May boyfriend ka na ba? Ano ang kaugnayan mo sa anak ko? Sigurado ka bang magkaibigan lang kayo ni Ivan?" sunod-sunod na tanong ng ama ni Ivan kay Shaira.
"Sigurado ka ba na wala talaga kayong relasyon ng kapatid ko bukod sa magkapit-bahay lang kayo?" tanong naman sa kaniya ng babae na ayon dito ay nakababata pala itong kapatid ni Ivan.
Pakiramdam niya, bibitayin siya ng mga kamag-anak ni Ivan kapag sinabi niya na may relasyon sila ng lalaking katabi niya sa upuan.
Ang isang lalaking naman na katabi ng kapatid ni Ivan ay minsan na niyang nakita noon dito sa bahay ni Ivan ay titig na titig din sa kaniya ngayon.
Kung makatitig sa kaniya ang tatlo ay para bang may ginawa siyang masama sa nakaraan na hindi niya maalala.
"Isa po akong chef sa sarili kong restaur
