Kaya lang mabilis aking nagtago papunta sa likod ng malaking bato dahil nakita ko ang limang lalaki. May buhat-buhat silang malaking drum. Nang sumilip ako ay kitang-kita ko ang binubuhos nilang kulay pulang likido sa tubig. Hindi ako puwedeng magkamali dugo ng tao ang laman ng drum, lalo at malansa ito.
Mariin ko tuloy ikinuyom ang mga kamao ko. Hinintay kong umalis ang mga lalaki. Pagkatapos ay kinuha ko ang pinaglalagyan ko ng tubig. Itinapon ko ang laman nito. Pagkatapos ay sumalok ako ng tubig sa ilog na may dugo. Ipapadala ko ito kay boss Zach upang suriin ang dugo.
Agad kong inilagay sa bayong na da-dala ko ang plastic bottle. Ngunit biglang napaunat ang aking likod nang maramdaman ko na may malamig na bagay lumapat sa aking batok.
“Sino ka? Bakit nandito ka sa tabing ilog?!” g
