"Malandi kang babae!" sampal ni Mrs. Vegas sa akin.
"Tita, ano ba! Anong sinasabi n'yong malandi si Ma'am Dafne?" gagad ni Lindon na hinarangan niya ang matandang ito.
"Dahil inaagaw ka niya sa anak ko! At kitang-kita ko na nakayakap ka sa kanya!" gagad rin ni Mrs. Vegas.
"Hindi ako inaagaw ni Ma'am Dafne kay Chelsea dahil alam ninyong hindi ko gusto ang anak ninyo at kayo lang ang nagpupumilit na gustuhin ko siya!" asik ni Lindon dahilan upang sampalin siya ni Mrs. Vegas.
"At sino ang gusto mo! Iyang babaeng guro na 'yan, ha!" turo nito sa akin.
"Kung sasabihin ko bang oo, Tita Mariel ay titigil na kayo sa pang-iinsulto kay Dafne?" segunda ni Lindon dahilan upang kabahan ako.
"Lindon," saway ko.
"Huwag kang magbiro ng gan'yan, Lindon dahil puwedeng makarating sa mommy mo ito
