Chapter 13
Grabe. Hindi ko talaga minsan maintindihan ang mga lalaki. Basta-basta na lang umiinit ang ulo sa hindi malaman na dahilan. Sa pagkakatanda ko ay okay naman kami ni Jared. Kinakausap pa nga niya ako pero kanina ay bigla na lang itong umalis na parang hindi narinig ang ginawa kong pagtawag sa kanya.
Napapatanong na naman tuloy ako sa sarili ko kung ano na naman ang ginawa ko para mag-init ng ganoon ang kanyang ulo.
“Anong problema ng kaibigan mo, Axel?” tanong ko sa kanya. Pinatulong ko siya magkabit ng mga banderitas dito sa gym dahil napansin kong wala naman siyang ginagawa. At isa pa, mukhang wala naman siyang balak na pumunta sa meeting ng varsity.
Nagkibit-balikat lang si Axel sa akin. “Don’t mind him. He will surely come back to you after he realize that he’s an idi
