Chapter 14
“Kamusta naman ang pagtakbo kasama si Jared?” nang-aasar na wika sa akin ni Z. Napailing na lang ako. Kakagaling ko lang sa contest kanina nang dumating sila at nanood sa amin. Hindi ko na nasabi sa kanya na si Jared ang kasama ko sa pagtakbo dahil si Axel din ang alam niyang kasama ko.
“Okay lang naman,” nangingiting wika ko. Natawa si Z sa isinagot ko at saka ipinagpatuloy ang pagkain ng tanghalian. Kasalukuyan kaming nandito sa cafeteria at kagaya ng inaasahan ay crowded ang buong campus dahil sa Intrams. Dapat sa may Bluementritt kami kakain pero nalaman namin na crowded din iyon kaya mas napili na lang naming na rito manatili imbes na doon.
“Sa wakas, magkakaroon ka na rin ng boyfriend, Dionne,” nang-aasar na wika sa akin ni Seb. Katulad nga ng alam ko ay isinama niya
