Chapter 19
Suzy
"Gusto sana kitang makausap," sabi ko nang makaalis si Gerimhae. May meeting kasi sila sa club nila kaya nauna siyang umalis. Sumali siya sa school’s newspaper nito lang nakaraan para daw may dagdag incentives.
"Ano 'yon?" nakangiting tanong sa 'kin ni Larianne. Tapos na rin siyang mag-ayos ng sarili niya at mukhang may lakad din siya.
"Iyong kwento mo kahapon. May gusto lang akong malaman," sabi ko. As much as possible, ayoko siyang ma-offend. Baka kasi isipin niyang iniisip kong nagsisinungaling siya.
Mahina siyang natawa at saka napatingin sa paa niya. "Tama nga ang sabi niya. Malakas talaga ang pakiramdam mo, 'no?"
Kunot-noo ko siyang tiningnan at tinanong, "Ano ‘ng ibig mong sabihin?"
"Sabi niya sa 'kin, tiyak na magtatanong ka kaya huwag akong magdalawang-isip
