Chapter 18
Suzy
Buong magdamag akong hindi makatulog nang ayos kaiisip kung paano ako hihingi ng tawad kay Mervin. Buong magdamag akong nakatulala lang sa kisame at hindi mapakali. Naabutan pa nga ako ni Gerimhae na gising kaya nagkwentuhan na lang kami hanggang mag-umaga.
Naikwento ko rin sa kaniya na hindi kami ayos ni Mervin. Hindi ko na sinabi ang dahilan dahil hindi naman na niya tinanong. Siguro na-realize niyang hindi ko kayang sabihin.
Masaya ako dahil nandiyan siya. May mapagsasabihan ako ng problema ko. Kahit na alam kong gusto niyang malaman ang dahilan ay hindi siya nagtanong. Nirerespeto niya kung ano ang gusto ko at ginagawa ko.
Nang matapos kami ay naglinis lang kami ng katawan dahil puyat kami. Dahil na rin sa lamig ay hindi na namin nakayanan pa. Lumabas kami ng dorm
