Matapos ng kanilang hapunan ay maagang nagpahinga si Althea. Kahit anong pilit sa inang siya na ang magligpit sa pinagkainan nila pero mapilit ito at sanib pwersa pa sila ng kaniyang Papa dahilan para wala siyang magawa kundi ang pumasok na sa silid. Batid naman niyang ginagawa lamang ng mga ito iyon dahil naaawa ang mga ito sa kaniya. Mula kasi noon ay siya na ang bumalikat sa kanila.
Muling nanariwa sa isipan ang mga masasayang samahan nila noon bago pa man maaksidente ang ama. Umuwi ito noon dahil birthday niya. Second year high school siya noon at hiling pa rito na huwag na itong bumalik sa Saudi dahil hindi naman niya hangad ang sobra-sobrang pera. Mula kasi nang magkaisip siya ay nasa abroad na ang ama kahit yearly pa ang uwi nito.
Bumalong ang luha sa kaniyang mga mata nang unti-
