"Bunsoy, gisingin mo na si Ginoong Soul!" utos ko sa alaga kong baboy. Naghahain na ako ng aming almusal para sa aming dalawa. Maulan pa pero nakuha ko pa ring bumangon ng maaga. Titignan ko pa kasi ang mga tanim ko.
Umalis ang baboy, narinig ko ang pagrereklamo ni Ginoong Soul sa silid. Tiyak na dinaganan ito ni Bunsoy. Matalino ang aking baboy. Nakakaunawa ito sa mga sinasabi ko.
Ilang sandali pa ay lumabas si Ginoong Soul na pupungas-pungas. Agad na nagawi sa salawal n'ya ang aking tingin.
"Ginoo, gising na rin ang iyong alaga." Mabilis nitong natakpan iyon. Nabangit ni Ginoong Soul kagabi na Ang sikip daw ng mga ipinapasuot ko ritong panloob. Kaya naman sinabi ko ritong huwag na lang n'yang isuot. Ayon, hinubad n'ya kagabi. Nauunawaan ko naman ito, siguro'y nakasasakal kapag masi
