Kanina pa n'ya ako iniiwasan. Kanina pa n'ya hinuhukay iyong lupa. Lagpas tuhod na nga para lang maiwasan n'ya ako. Hindi ko alam kung ano ang nangyayari kay Ginoong Soul.
Nahihiya ba s'ya dahil mali ang sagot n'ya sa tanong ko? Ayos lang naman iyon. Wala namang taong perpekto, madalas sabihin sa akin iyon ni Nanang.
"Ginoong Soul! Masyado nang mainit. Ano bang plano mo sa hukay na iyan?" tanong ko rito nang hindi na nakatiis dahil sa ginagawa nito.
"Hinuhukay ko lang, baka naibaon ko rito iyong confidence ko." Bumuntonghininga ako saka tinapik ang kanyang balikat.
"Halika na, Ginoong Soul. Nakapagluto na ako ng tanghalian nating dalawa. Mamaya tutulungan kitang hanapin kung ano man ang nawawala sa 'yo." Waring nahahapong napaupo ito sa lupa saka tumingin sa akin. Sa wakas, nakuha
