Kasabay namin silang bumaba ng bundok. Kami para magbaba ng ani, sila naman para bumalik sa pinanggalingan nila. Hindi ko sinabing sa sinapupunan ha, kung 'di sa tunay nilang lugar.
Katatapos lang namin ni Ginoong Soul nagbenta ng ani. Ngayon ay patungo kami sa bilihan ng mga iuuwi namin sa bundok.
Panay ang lingon ni Ginoong Soul na waring may hinahanap ito. Tapos saglit s'yang nagpaalam sa akin.
Nagpatuloy naman ako sa pamimili. Nang bumalik ito ay may dala na itong bag na hindi ko alam kung ano ang laman.
"Ginoo... masama ang pandurukot ha!" paalala ko rito. Ang mata ay naghihinalang sinusulyapan ang bag na nasa likod na nito ngayon.
Nanlaki naman ang mata ng ginoo na waring hindi makapaniwala sa sinabi ko rito.
"Aurora, of course hindi ako nandukot at masama ang mandukot."
