Bumakas ang matinding pagkagulat sa mukha ni Pablo nang bigla na lamang tumabi sa kanya si Cazcoe habang mag-isa itong umiinom ng alak sa bar counter ng Club Axis. Hindi pa gaano kasiksikan sa loob dahil maaga pa.
Sinulyapan ni Coe ang relong pambisig. Alas seis. Ano ang ginagawa ni Pablo sa ganoon kaagang oras at tila malalim ang iniisip?
“You don’t look well, Pablo.” Isinatinig na niya ang komento niya sa pisikal nitong kabuuan. Tingin niya ay nabawasan ito ng timbang buhat noong makita niya ito sa event nang nakaraan.
Disimulado niyang minasdan ang mga wala nang lamang bote ng alak sa harapan nito. Ang aga naman nitong maglasing. Lihim siyang napailing. Hinayon niya ito ng tingin. He was still wearing his favorite white shirt and a pair of black trousers. Naka-cap din ito katulad pa
