"Ayaw ko nga!"
"Sige na, tanungin mo na!" Pamimilit sa kaniya ni Mirabella.
Kausap niya ito sa cellphone ngayon. Nasa grocery store na siya at kasalukuyang namimili kung ano ang dapat bibilhin. Si Luis naman ay nanatili pa sa sasakyan nito dahil tinawagan na naman ni Mary.
"Ayaw ko ngang tanungin baka isipin niya nakikialam ako." Sumimangot siya kahit hindi naman nito nakikita ang hitsura niya ngayon.
"Paano mo malalaman kung sino talaga si Mary sa buhay niya? Hindi nga ba balita riyan, girlfriend niya si Mary?"
She sighed. "Alam mo best, tsismis lang iyon. At saka, bakit ako matatakot? Ako pa rin ang legal na asawa. Dapat may confidence ako. Dapat ipakita ko kay Luis na may tiwala ako sa kaniya." Ngumisi pa siya.
Humalakhak ito sa kabilang linya na mas lalong ikinainis niya. Napa
