"Uuwi na kami," paalam ni Angela sa mga kaibigan nito. "Kayo na muna ang bahala sa bahay ko."
Iniabot nito ang susi ng bahay sa isa mga lalaki kaya kumunot ang noo niya habang palihim siya na nakikinig sa mga ito.
Katatapos niya lang na magbanyo dahil nagpaalam siya kay Angela na magbabanyo muna siya bago sila umuwi kaya alam niya na hindi nito alam na lihim siyang nakikinig sa mga ito ngayon.
"P'wede kayong tumambay at matulog sa bahay ko kung gusto niyo basta linisin niyo lang ang mga kalat niyo."
"Makakaasa kayo sa amin," sagot ng lalaking puno ng tattoo ang katawan. "Kailan ulit ang punta mo rito?"
"Hindi ko pa alam pero puwede niyo akong tawagan kapag may kailangan kayo at kapag hindi ko nasagot ang tawag niyo, ibig sabihin no'n ay may ginagawa ako. Kapag ganoon, i-text niyo
