"Sir Allen, nandito na tayo sa bahay niyo kaya gumising na po kayo." Kinurot ni Angela ang pisngi niya kaya bigla niyang naimulat ang mga mata niya. Hindi niya namalayan na nakatulog pala siya sa balikat nito. "'Wag kang matulog ng mahimbing kapag bumibyahe ka. Ayos lang 'yong idlip pero 'wag naman 'yong nanaginip ka na."
"Oo na."
"Sige na, mauna ka na sa loob," utos nito. "Kakausapin ko lang 'tong taxi driver."
"Bakit pa?"
"Sige na, pumasok ka na sa loob," seryoso nitong sabi sabay tango kaya naman sinunod na lang niya ito. "Pagpasok mo sa loob, isarado mo agad ang gate para walang makapasok. Magpatulong ka sa guard para mapabilis ang pagsasara."
"Ha? Bakit?"
"'Wag ka na munang maraming tanong sa akin ngayon. Mamaya mo na lang ako tanungin pagpasok ko sa loob."
"S-sige." Habang pa
