"Saan ba tayo pupunta?" tanong ni Angela kay Allen habang nagmamaneho ito. "Kailan ka pa naging aswang? Kung kailan malapit ng maghatinggabi saka mo pa naisipan na umalis. Hindi mo ba alam na masakit pa ang katawan ko?"
"Saglit lang naman tayo, Angela. Si Edwin kasi–"
Pinutol siya nito. "Ano'ng nangyari kay Sir Edwin?"
"Pinagtulungan daw sa bar." Bigla siyang napakapit ng mahigpit sa suot niyang seat belt nang bigla nitong pabilisin ang andar ng sasakyan habang seryosong nakatingin sa unahan.
"So, sa bar pala tayo pupunta?"
"O-oo. Ahm, p'wede bang magdahan-dahan ka sa pagmamaneho?"
Kapag nagseryoso talaga ang babaeng 'to ay talaga namang kinikilabutan siya.
"Nandito na tayo," imporma nito at mabilis na tinanggal ang suot nitong seatbelt. "Sir Allen, kilos na."
"Oo." Mabilis niya
