Alex POV
Kanina ko pa halatang ilag at aligaga si Lian, kagabi lang ay okey pa naman kami. Ano kaya ang nagawa ko at bakit siya nagkakaganito?
"Papito..kargahin mo 'ko," sabi pa ni Lyka na itinataas ang kanyang braso. Kaka-baba lang namin ngayon sa sinakyang kotse papunta dito sa mansion namin. Ipinasundo kami ni papa para raw makita si Lyka, gaya ng sinabi ko noon. Sabik si papa na magkaapo sa akin, kaya nang malaman niyang may anak si Lian ay hindi ito nag atubili na papuntahin at makadaupang palad niya si Lyka.
Papasok na kami sa bukana ng mansion habang karga-karga ko si Lyka. Si Lian naman ay tahimik lang na nakasunod sa amin. Bumungad pa sa amin ang mga katulong namin na noo'y nakahilera at nakayuko sa aming pagdating. Mayamaya pa'y sumunod na humulma ang pigura ni papa mula sa
