XIAMARA
HINDI ko na kinausap si Ziggy simula nang magkasagutan kami nang gabing iyon. Hindi rin siya umuwi kahapon dahil na rin sa request ni Y. Kaya ngayon ay kakausapin ko si Ziggy para sa set-up na gagawin naming dalawa. Sakto naman na wala akong pasok ngayon dahil day off ko.
Hindi na ako nag-abala pa na gumising ng maaga dahil alam ko naman na maagang nagigising si Ziggy.
Sinulyapan ko si Y na nasa tabi ko. Mahimbing pa ang tulog niya habang yakap ang human teddy bear na niregalo ni Ziggy kahapon.
Bumangon na ako at dumiretso sa banyo. Nang makapagpalit na ako ng damit ay lumabas na ako ng kwarto. Dito pa lang ay amoy ko na ang niluluto ni Ziggy sa kusina.
Tama nga ang hinala ko na siya na naman ang gumising ng maaga para magluto ng almusal namin. Minsan nga napapa-isip ako kun
