Mga tatlong buwan bago pa pumayag si Tita na dalawin ako doon ni Beth at matindi ang bilin niya na wag na wag itong magbabanggit ng tungkol sa Pisces o kahit na sino na may kaugnayan sa kanila.
-
"Odeleeee!!!" mahigpit ang yakap sa akin ni Beth. Panay ang tingin niya sa ulo ko, sa pisngi at pinaikot-ikot pa niya ako bago ulit niyakap.
Gumaling na ang ibang mga sugat ko, pero yung nasa ulo ko ay medyo papagaling pa lang at yung trauma ko ay malayo pa sa pag-galing.
"Mabuti naman at nakita na kita. Abot langit ang miss ko sayo!" niyakap niya ulit ako.
Matipid na ngiti lang ang ipinakita ko sa kanya.
Kinamusta ko ang trabaho niya at nalaman kong lumipat na siya ng company dahil sa nandoon rin nagta-trabaho ang boyfriend niya. Akala ko ay patay na patay pa rin siya kay Rocket or Danger a
