Kinabukasan pinuntahan ko si Edele, pero hindi niya ako pinansin kaya naman sa inis ko ay hindi ko siya pinuntahan ng isang linggo sa ospital.
Naiinis ako dahil sa akin pa siya galit samantalang si Rhode ang nagsabi ng masasamang salita. Dahil ba sinabi ko na kaya siya hindi na nakakalakad dahil sayang lang ang paa niya sa paghahabol sa lalaking yun? Bakit hindi na ba ako pwedeng magsabi ng totoo? Samantalang nasabi agad niya sa akin ang nasa loob niya sa pagsampal ko kay Rhode, tapos ako hindi na ako pwedeng magsabi ng nasa isip ko?
Oo alam ko na mas matanda ako sa kanya at dapat iniintindi ko siya, pero minsan nakakapagod na rin. Tao rin naman ako, hindi naman ako robot para wala na lang maramdaman.
___
"Sasama ka sa team building?" Tanong ni Beth habang nakain kami ng lunch.
"Hindi
