Alyssa's POV
Huminto muna ako para punasan ang aking pisngi na napuno na ng luha. Habang naglalakad ako palabas ng hospital ay sunod-sunod naman tumutulo ang luha ko.
Hindi ako makapaniwalang gising na si Andrea. Ngunit bakit hindi man lang binuksan ni Helious ang topic na 'yon. Nabanggit ko pa lang si Andrea nakaraang araw ngunit binara lang niya ako.
Pinunasan ko ang luha kong nagkalat sa aking mga pisngi. Wala akong dala na panyo kaya ginamit ko na lang ang mga palad ko.
Parang ayaw kong bumalik sa kinaroroonan ng asawa ko.
Paano na ngayong gising na si Andrea?
Nang makasiguradong tuyo na ang aking pisngi ay sinimulan ko ng maglakad. Nagkaroon pa rin ako ng lakas na loob na tahakin ang kotse ni Helious. Hindi ko alam kung ano ang plano niya.
Hindi ko rin alam ang gagawin ko?
