Tahimik akong nakatanaw sa labas ng sasakyan. Bawat dinadaanan namin ay tumututok ang aking paningin.
Papunta kami ng San Juan, iyon ang narinig ko na sinabi ni Uncle Vince sa kanyang driver.
Magkatabi kami rito sa likod at kanina pa kami tahimik. Wala siyang balak magbukas ng usapan at syempre maging ako man ay gayundin.
"Ano ang iniisip mo, Charmel?" untag ni Uncle Vince makalipas ang kalahating oras na pananahimik niya. Akala ko buong biyahe ay mananahimik na lang siya, mukhang 'di rin nakatiis na kausapin ako.
"Wala naman po, Uncle." Saglit ko siyang tiningnan at saka muling winili ang sarili ko sa paligid na aming nadaraanan.
"What do you think of Sofia? She is hot and sexy, right?"
"Opo, mukha siyang barbie," matabang kong sabi. 'Di ko gusto na maging gano'n ang tono ko subalit
