"Ang gandang lahi talaga ng mga Carson!"
Naiiling ako habang napapasulyap kay Tokning na nagpi-piyesta ang mga mata sa bawat Carson na napapadaan sa kinapupwestuhan naming lounge.
Matapos kasing kumain ay naisipan ng lahat na maligo na sa dagat. Tirik na tirik iyong araw pero parang hindi iyon alintana ng mga Carson kaya sino ba naman kami upang mag-inarte at magreklamo?
Kaya heto kaming magkakaibigan at halos magsiksikan sa lounge na nalililiman ng puno ng niyog. Mabuti na lang at walang bunga itong niyog dahil kung nagkataon ay nahulugan na kami dahil sa ingay ni Tokning.
"May asawa na iyang mga tinitingnan mo," mahinang sita ni Menggay kay Tokning.
"Okay lang akong maging kabit!" hindi nagpapatinag na tugon naman ng huli.
Nakatikim tuloy ito ng kaltok mula kay Menggay.
"Kababae
