"Masyado kang seryoso," pamumuna ko kay Migoh. "Epekto ba iyan ng chocolate o ng laway kong naiwan sa may kagat na bahagi?"
Nakabungisngis ako habang nakatingala sa kanya.
Nakaupo pa rin ako kung saan niya ako dinatnan kanina. Ewan ko lang sa kanya kung bakit hindi siya umupo gayong ang daming bakanteng upuan.
Gusto niya yatang anyayahan ko pa siyang kumandong— este umupo na lang pala sa upuan. Ang laking mama niya at baka mabalian pa ako ng balakang.
"Aray!" ekasaherada kong reklamo nang mahina niyang pitikin ang noo ko.
"Huwag mo na ulit hahamunin si Tokning o ang kahit sinong lalaki na halikan," pangangaral niya sa'kin.
Bahagya pa siyang nakayuko sa'kin habang nakatukod ang isa niyang braso sa mesang nasa harapan ko.
"Kahit si Rusca?" nakanguso kong tanong habang hawak-hawak an
