Kabanata 16
Gumulong ako papunta sa likod ng sofa at agad na sumandal. Kaylakas ng tibòk ng puso ko at butil-butil din ng pawis ang tumatagaktak sa noo ko. Taas-baba ang aking mga balikat habang mahigpit akong nakahawak sa armas na dala ko. “S-Sumuko ka na! Napapaligiran ka na namin!” sigaw ko at inihanda ang sarili ko.
Nagbilang ako sa aking isipan.
Isa…
Dalawa…
Tatlo!
Mabilis akong lumabas at itinutok ang bàril sa harapan ko pero huli na ang lahat—naunang maitutok sa akin ang baril kasunod ng pag-alingawngaw ng sunod-sunod na putok nito. Bumagsak ako sa lupa at nangisay habang patuloy na umaalingawngaw ang putok ng baril.
“What the hell are you doing?”
Mabilis akong napatayo nang marinig ko ang striktong boses ni Sir Alonzo. Agad kong inayos ang sarili ko at sinuklay ang nagulo
