Kabanata 13
Hindi ko maitago ang inis na nararamdaman ko—inis na nagmumula mula sa matinding pagkadismayang naramdaman ko dahil sa desisyong ginawa ni Sir Alonzo. Hindi ko lubos akalain na mamasamain niya pa ang ginawa kong pagtulong sa anak niya; ang ginawa kong pag-ako sa responsibilidad na dapat sana'y siya ang gumawa. Naiinis ako dahil simpleng bagay lang na pagpapakatatay sa anak niya ay hindi niya kayang gawin, pero ang mambabae at gumala ay higit-higit pa.
Hindi ko alam kung ano ang kwento ng buhay niya, ng pamilya nila, pero hindi naman siguro tama na pabayaan na lang ang bata. Hindi naman siguro tama na kalimutan na lang ang responsibilidad. Kahit nga si Ma'am Antonette ay dismayado sa ginawa niya, at base sa reaksyon niya ay mukhang alam na nito ang ginagawa ng kapatid.
“Liga
