Kabanata 9
Nakatingin lang ako sa labas habang umaandar ang sasakyan papunta sa skwelahan ni Uno. Hanggang ngayon ay hindi pa rin ako makapaniwala sa narinig ko mula kay Sir Alonzo. Sobrang bigat ng dibdib ko dahil hindi ko mapigilang maawa sa bata. Hindi ko man alam kung ano ang tumatakbo sa isipan ni Uno ngayon, pero base sa reaksyon niya kanina ay nasaktan siya sa sinabi ng ama. At mukhang hindi ‘yon ang unang beses na nangyari ‘yon dahil bakas sa mga mata niya ang takot.
Hindi ko tuloy mapigilang mainis kay Sir Alonzo. Tanggap ko pa na masama ang ugali niya sa akin at sa ibang tao. Pero sa anak niya; sa dugo’t laman niya? Napailing na lang ako dahil sa labis na pagkadismaya. At isa pa, wala rin naman akong magagawa. Wala rin ako sa posisyon para manghimasok sa sitwasyon nila.
“Text
