Chapter 2
1139 Words
VIVIAN:
NAALIMPUNGATAN AKO sa sunod-sunod na pagkalampag ni nanay sa playwood na pinto nitong silid ko! Pupungas-pungas akong napabangon na napakusot-kusot ng mga nanlalabo kong matang kulang sa tulog.
"Biyang! Anong oras na! Male-late ka na sa skwela mong bata ka!" sigaw ni nanay mula sa labas. Kakamot-kamot ako sa buhok kong sabog-sabog na bumangon ng katre kahit inaantok pa.
"Biyang!" muling kalampag nito.
"Eto na po" maktol ko na pinagbuksan itong nakapamewang at taas ng kilay. May dala-dala pang sandok na ipinokpōk sa ulo ko. "Nay!" nagrereklamong ungol ko.
"Nandyan na si Migo at Siobe sa labas. Nakabihis na sila! Pero ikaw kalat pa ang mga muta at natuyong laway mo sa mukha!" namilog ang mga mata kong kaagad napahilamos ng palad sa mukha.
Napaismid ako dito na makapang wala naman akong morning glory sa mukha. Tatawa-tawa itong nagtungo ng kusina. Napasunod naman ako dito na tumuloy sa cr namin sa likod nitong bahay para makaligo.
Pakanta-kanta ako habang naliligo ng mapansin kong....wala akong dalang tuwalya! Napalunok akong natampal ang noo dahil nakababad na sa planggana ang pinagbihisan ko!
"Naman Vivian. Kay aga-aga mong lutang!" kastigo ko sa sarili.
"Vi?" napatalon ako sa gulat nang kumatok si Migo sa labas nitong cr! Muli na namang hindi maipaliwanag ang kabog ng puso ko na pinuntahan pa ako nito dito sa banyo alam naman niyang naliligo ako!
"M-Migo" nilapat ko ang tainga sa may pinto. Muli naman itong kumatok na tinawag ako.
"Vi, towel mo" namilog ang mga mata kong napatutop ng palad sa bibig! Dala niya ang towel ko? Pumasok ba siya sa silid ko? Nag-init ang mukha ko sa kaisipang pumasok siya sa silid kong sabog-sabog ang kumot, unan at banig ko doon!
"A-akin na" alanganing saad ko na niliitan lang ang pagkakasiwang ng pinto at nilabas ang kamay na inaabot ang towel dito. Mahina itong natawa na ipinatong ang towel sa kamay ko.
"Sandali may nakalimutan ka pa" pigil nito nang akmang isasara ko na ang pinto. "Ano 'to Vi? Sayo 'to? Seryoso size mo 'to? Parang pang-walong taong gulang lang ah" nanunudyong saad nito.
Na-curious akong inilabas ang ulong sumilip ditong ikinanlaki ng mga mata kong hawak nito ang baby brā at pānty kong nakangisi!
"Akin na yan!" tili ko na hinablot dito ang mga yon dahil pinapaikot-ikot lang naman nito sa hintuturo ang pānty ko! Ramdam ko ang pag-iinit ng pisngi ko sa kaisipang nahawakan niya ang mga underwear ko!
Napahalakhak itong naiiling sa akin na ikinairap ko dito at pabalang pinagsarhan ng pinto. Lalo naman itong natawa sa inasta ko!
"Kainis!" impit kong tili na napapadyak ng paa sa sobrang inis at hiya na rin!
NAKABUSANGOT AKONG lumabas ng silid ko matapos kong magbihis ng uniporme namin.
"Bilisan mo na dyan Biyang! Kumain ka na dito!" sigaw pa ni nanay na akala mo naman nasa kabilang bahay ang kausap sa lakas ng boses.
Nasulyapan ko naman sa labas si Siobe at Migo na nakaupo na sa mio ni Migo. Inaangkas niya kasi kami ni Siobe dahil sa bayan pa ang skwelahang pinapasukan namin. Hindi naman kaya ni nanay na mag-bording house ako sa bayan kaya malaking tulong si Migo na siyang sinasakyan namin ni Siobe papasok at pauwi ng eskwela dahil hindi na namin poproblemahin ang pamasahe.
"Ang kupad-kupad mo talagang bata ka. Habang dinadagdag ka lalo kang kumukupad. Para kang pagong kung kumilos Biyang. Masyado bang mabigat ang pēmpēm mo at hindi mo mabuhat-buhat" panenermon nitong ikinangiwi ko dito.
Kami na lang ni nanay ang magkasama dito sa bahay dahil si tatay? Hayon at sumakabilang bahay na. Maliit pa lang ako ay iniwan na niya kami ni nanay at sumama sa isang matanda na maraming datung. Sa hirap ng buhay namin ay napagod na nga ito na itaguyod ang pangangailangan naming pamilya niya mula sa pamamasada ng tricycle. Si nanay naman ay nagtitinda ng isda sa palengke na siyang pinagkukunan nito ng pangangailangan namin sa araw-araw.
"Pagtyagahan mo na muna yan anak" anito na nagtimpla ng kape ko.
Kahit naman laging tuyo at instant noodles na may halong itlog ang ulam namin sa umaga ay hindi ako nagrereklamo dito. Alam ko ang hirap ng buhay namin at ang pagsisikap nito mapakain lang ako tatlong beses sa isang araw o higit pa at mapadala sa eskwelahan. Hindi naman kasi ako sinusustentuhan ng magaling kong tatay na nagpapakasasa sa yaman ng sugar mommy niya sa syudad. Nakalimutan na nga yata na may Vivian at Valeen siya dito sa probinsya namin sa Negros.
"Paborito ko nga po 'to Nay" nakangiting sagot ko na pinasigla ang tono. Ngumiti ito pero hindi abot sa mga mata. Bakas doon ang lungkot habang nakamata sa akin.
"Bilisan mo na, nakakahiya kay Migo. Nakikisabay ka na nga lang sa kanya" anito na naglagay ng tuyo sa platitong katabi ng plato kong may suka.
MATAPOS kong kumain ng mabilisan at nakapag-sipilyo ay lumabas na ako ng bahay namin.
"Mauna na po ako Nay!" sigaw ko dahil nasa kusina pa si nanay na naghuhugas ng pinagkainan namin. Mamaya ay lalabas din itong magtutungo ng palengke para magtinda.
"Sige!"
Napangiti akong patakbong lumapit kina Migo at Siobe sa gilid ng kalsada. Bumaba naman si Siobe sa motor nito.
"Ang tagal mo" naiiling saad ni Siobe na may halong panenermon.
"Pasensiya na" nakangiwing paumanhin ko. "Late na ba tayo?"
"Kaya pa naman Vi" ani Migo na inalalayan akong makasakay sa likuran nito. Dito kasi sa gitna nila ang pwesto ko kaya madalas ay sinasadya ni Siobe pagdikitin kami lalo ni Migo sa tuwing magkakaangkas kaming tatlo sa motor nito na syempre, gustong-gusto ko. Mabuti na lang hindi nakakahalata si Migo na madalas ay lihim na akong nagkakasala sa pasimpleng pangmamānyāk ko sa kanya!
"Kumapit ka" anito na dinala ang kamay ko sa tyan nitong iniyakap ditong mahina kong ikinasinghap! Napalunok akong iniyakap din ang isang kamay ko at impit na napapatili sa isip-isip!
Panay naman ang sundot ni Siobe sa tagiliran kong nanunudyo na naman na nakayakap ako kay Migo na kay aga-aga!
Napapangiti akong pasimpleng ipinatong ang baba sa balikat nito at napapikit. Mabilis kasi si Migo magmaneho ng motor nito lalo na kung naghahabol kami ng oras. Naka-shade pa ito at leather black jacket na lalo niyang ikinagwapo lalo na't ang astig ng brand new black mio nitong wala ni isang gasgas! Kaya naman kahit bagito pa siya ay marami na ang naghahabol sa kanya kahit na mga dalagang 'di hamak na malayo ang agegap sa kanya. Mga ambisyosang palakang gusto yatang ma-child abuse sa pagnanasa nila kay Migo. Mabuti na lang at hindi ito maligalig na lalake kaya ni minsan ay wala akong nakitang kinalandian nito. Mas madalas nga ay napagkakamalhan kaming ako ang girlfriend nito. Bagay na pipi kong ipinagdarasal kay Papa G. Na sana dumating din ang araw na tuluyang magiging akin....ang boy bestfriend kong lihim kong minamahal. Si Migo.
- Writer
