Muli ay hindi maipaliwanag ni Jeremy ang damdaming umalipin sa kanya. Hindi na niya napaglabanan iyon at tuluyang inangkin ang labi ng babae. Hawak ang magkabilaang pisngi nito.
Hindi na pumalag pa si Georgina dahil iyon din ang hinihintay niyang kompirmasyon sa damdamin para sa lalaki bagkus ay nakuha niyang sumabay sa galaw ng labi nito. Kakaiba iyon dahil hindi babae ang kahalikan kundi lalaki. Nalilito pa rin ang puso at damdamin pero isa ang nakumpirma sa sandaling iyon. Kahit papaano ay gusto niya ang halik ni Jeremy.
Natigilan si Jeremy sa naramdamang pagtugon ng babae sa mga halik ngunit saglit lang at nanaig ang kagustuhang maangkin ang labi nito. Naging pangahas na rin ang mga kamay niya. Humahaplos at humihimas na.
Ngunit agad ding napabutaw nang sumagi sa isipan ang mukha n
