الشيطان يعظ ( الجزء الثاني )

الفصل السابع

#نكمل

..

عوده من الفلاش باك

هند : طيب حاول

انا : هند خلاص خلص الموضوع ده بالنسبه ليا

طلعت اغير هدومي و نزلت رحت المجموعه دخلت المكتب بتاعي و قعدت خلصت شغلي و رجعت القصر تاني و انا داخل كان داخل كمال

انا : مساء الخير يا دكتور

كمال : مساء النور يا مازن

انا : (لقيت في ايده بوكيه ورد و علبه هدايه) ها طالع

كمال : اه طالع من بعدك اتفضل

انا : ماشي يا دكتور

دخلنا جوه كانت سحر و علياء و اميره قاعدين تحت

سحر : (شافت الي في ايد كمال) مساء الخير يا كمال

كمال : مساء النور يا طنط هيا نغم فين

سحر : فوق يا حبيبي

كمال : طيب انا طالع فوق بعد اذنكم

انا : اتفضل يا كمال

طلع كمال و انا قعدت جنب سحر

سحر : انتا اختارت كمال علي انهي اساسا

انا : اسلوبه اسلوبة في الكلام اسلوب سياسي و. محترم مثقف ابن ناس كمال. فيه كل مقومات الزوج المثالي بكره انا جايلي ضيوف

اميره : مين

انا : صقر عزمته علي الغدا بكره

اميره : طيب اكلم ورد تيجي معاه

انا : انتي لحقتي تجيبي رقم ورد

اميره : عيب عليك يا شبح انا اعرف اعمل اي حاجه

انا : طيب

علياء : مين صقر و ورد دول

انا : ورد بنت الشيخ سلطان ال**بد

سحر : متقولش

انا : هو شيخ قبيله ال**بد

سحر : طيب انتا عازم صقر ليه

انا : صقر صاحبي اساسا و طلع معايا في الجامعه عزمته

سحر :طيب

اميره : اطلع اكلم ورد

انا : خديني معاكي اطلع انام

طلعت انا و اميره كل واحد راح الاوضه بتاعته ينام تاني يوم صحيت بدري فطرنا مع بعض و نغم جنب كمال و م**وفه تبص ليه انا شايف كل ده بس من تحت لي تحت خلصنا الفطار و قعدنا شويه و جيه صقر و معاه ورد فتحت ليهم

انا : اهلا و سهلا منورين اتفضله

صقر : البيت منور بناسه يا ميزو

انا : بلاش ميزو دي يا عم صقر وله اقول

صقر : لالالا خلاص اسكت

انا : ازيك يا ورد عامله ايه

ورد : كويسه

انا : طيب ندخل اتفضله

اخدتهم و دخلنا جوه قعدنا مع بعض و اميره نزلت

ورد : هو انتا ليه زعلت من كلمه ميزو

صقر : اصل كلمه ميزو دي يا ستي كانت تقولها البنات ليه اكيد مش حابب راجل يقولها وله ايه

انا : وله اه و بعدين انتا بالذات متتكلمش خالص وله اقول كانه بيقوله ليك ايه

صقر : لالا ابوس ايدك بلاش

اميره : لالا قول كانه مسمينه ايه

انا : دي حكايه طويله

صقر : و ممله مش ها تحبه تسمعوها

ورد : لا قول يا مازن

انا : طيب الباشا كان مصاحب واحده اسمها منار و البنت دي كانت بنت بجد حاجه يعني قمر من الاخر تمام بعد مده كلام بينهم و حب اخر الليل كنا قاعدين علي قهوه في البلد و قام و ساب تلفونه وصلت رساله و انا الفضول ها يموتني فتحتها الهانم كانت مدلعه

صقر : بلاش ورد فضيحه مش ها عرف ادخل القبيله

انا : لا ها قول كانت مسمياه دلع صقر سوسو

وقعه الاتنين من الضحك

ورد : هههههه و في القبيله صقر راح صقر جيه صقر عمل و طلع اسمه سوسو هههه

اميره : الشنب ده و سوسو ههههه

صقر : شوفت

انا : اعمل ايه مش انتا الي اتكلمت في الأول

ورد : لا خلاص خلاص احنا اسفين

انا : طيب يا عم صقر اسف بس انتا كانت تتصل بيك تطلع تجري تتكلم علي جنب

اميره : لالالا يا صقر ازاي يعني هيا الي ها تشيل خشبتك

صقر : هههههه لا بس مازن بيه لما كانت يجيله مكالمه من فريده يجري لو في ايده ايه (بص ليا لقاني بضحك ضحكه صفره رجع بص في الارض و هو محرج و عارف الحكايه دي بتزعلني قد ايه علشان بندم عليها) يله كانت ايام

انا : (بفتكر لحظاتي مع فريده و بضحك علي سخافتي) كانت ايام يله نتغدي

قومنا رحنا السفره قعدنا ناكل مع بعض و طلعت انا و صقر بره في الجنينه نشرب قهوه و ندخن

صقر : انتا زعلت انتي جبت سيره فريده

انا : علشان مش بحب أفتكر الايام دي

صقر : لازم تفتكر الايام دي هيا الي عملتك هيا الي خلتك سبت البيت سنه كمله و قعدت عندي في القبيله الايام دي هيا الي عملت منك

انا : صقر كفايه

صقر : كفايه ماشي يا مازن خلاص كفايه

انا : المهم الشغل عامل ايه

صقر : شغالين بس الشغل في الجبل صعب شويه و ها ياخد وقت

انا : عادي مش مستعجل

جوه القصر كانت اميره قاعده مع ورد

ورد : هيا ايه حكايه فريده دي

اميره : فريده مين

ورد : الي لما جت سيرتها مازن وشه قلب دحكه صفره

اميره : (في سرها اه انتي مركزه) فريده يا ستي هيا حب حياته كان بيحبها من زمان بس مازن مش بيحب يتكلم في القصه دي بس انا رخمه و فضلت وره لحد ما عرفت فريده بنت راجل اعمال اسمه سامح القرش متربين مع بعض و حب طفوله بس مازن عنده ابن عم كان بيكرهه جدا و مش بيحب ليه الخير بس مازن مكنش يعرف كان بيحكي ليه بحسن نيه و ابن عمه استغل الي يعرفه علشان يوقع بين الاتنين لحد ما نجح و بعدها اتجوز هو البنت دي

ورد : ياه هو في ناس كده

اميره : في كتير بس اهو نصيبه

ورد : (بشفقه علي مازن) يا عيني اكيد صعب عليه

اميره : لا مازن ايوه زعلان بس بيفتكر الايام دي و يضحك علي نفسه فيها و دي اكتر حاجه بتزعله بقولك يله نطلع نقعد معاهم وله نقعد هنا

ورد : لا تعالي نقعد معاهم بره

اميره : اشطا يا عسل يله

طلعه لينا بره قعده

ورد : ها تروحه العرض

انا : عرض ايه

ورد : في عرض قاله عليه في المحاضره امبارح

انا : ايوه فيه ايه العرض ده

اميره : ده عرض لي الطلاب اوله بيعرض فيه تاريخ الجامعه و الاقسام بتاعتها و انتا تختار تخصص

صقر : مش مهم يعني

اميره : لا طبعا مهم بس لو انتا مسجلتش فيه بتسجل بعدين في عرض السنه الجايه و يفوت عليك السنه دي

صقر : لالا مش مهم

ورد : طيب انا لزم اروح

صقر : خلاص سجلي السنه الجايه انا مسافر المنيا النهارده

ورد : طيب انتا فاشل و صايع عادي تضيع السنه دي مش فارقه بالنسبه ليك لكن انا متعوده على النجاح

انا : خلاص روحي مع اميره

اميره : اروح ليه انا في تالته مش زيكم يا بتوع دفعه اوله

انا : خلاص يا وحش في ايه

اميره : انتا مش فرقه بالنسبه ليك

انا : عادي اسجل السنه الجايه

اميره : لا طبعا بص روح هيا ساعه سجل و امشي في البريك و بالمره وصل ورد معاك

ورد : لا مش عايزه اتعبك معايا

انا : (بصيت لي صقر) انتا شايف ايه

صقر : لو رايح خدها معاك و وجودك زي وجودي

انا : خلاص ماشي بس هيا الساعه كام

ورد : سته المغرب

انا : طيب انا رايح المجموعه بكره اخلص و اعدي عليكي

ورد : طيب اوكي

صقر : (بص في الساعه) يدوبك الحق اجهز علشان السفر

ورد : انا لحد دلوقتي مش فاهم رايح البلد تعمل ايه

صقر : رايح اخلص مشوار في الجبل

انا : طيب على خير

صقر : يله

ورد : يله

وصلتهم لحد العربيه بتاعت صقر و رجعت تاني دخلت جوه في الاوضه عند نغم و كمال قرره يده بعضهم فرصه و يحاوله يمكن يقدره يعيشه مع بعض قاعدين علي كنبه في رسبشن الجناح

نغم : هات الريموت بطل رخامه

كمال : بس عايز اسمع المتش وله اروح اسمعه علي قهوه

نغم : لا خليك خلي المتش ينفعك

كمال : ها ينفعني (تلفونه رن بس كنسل بسرعه)

نغم : (غريزه الانثي اتحركت) مين بيكلمك

كمال : لا عادي مش حاجه مهمه

نغم : ايوه ايه هيا الحاجه المش مهمه

كمال : دي المهندسه مروه

نغم : مروه مين

كمال: مهندسه

نغم : (بلهجه هجوميه) ايوه انا فهمت كده يعني مهندسه مروه مورة مين مهندسه صح مين بيكلمك

كمال : (ابتسم) دي يا ستي مهندسه اسمها مروه بس ايه زي القمر يا نغم بجد بطل ماما كانت عايزاني اتجوزها

نغم : و حيات امك

كمال : احنا ها نخبط وله ايه

نغم : ايوه بعد كلامك لازم اخبط

كمال : بس انا خلاص متجوز فا هيا مهندسه د*كور شاطره جدا يا نغم كلمتها علشان تجهز الشقه الي ها نعيش فيها

نغم : (وشها احمر من ال**وف) احم ايييي

كمال : هيا عايزه تختار شويه حاجات علي زوقها بس انا قولت لا لازم مراتي تكون معايا اصل مش ها عيش لوحدي

نغم : (بصه في الارض)

كمال : (خدها تحت دراعه و رجعه بضهرهم و قلب جاب الفيلم الي هيا عايزه تسمعه) اتفضلي يا ستي

نغم : لا خلاص كمل المتش

كمال : لا انا رايح اسمعه في حته تاني

نغم : لا انا مش عايزه اكون بايخه معاك

كمال : ماشي يا نغم انتي مش بايخه وله حاجه و بعدين انا رايح اسمع الماتش مع مازن اخوكي احنا رجاله مع نفهم بعض و بعدين نتكلم براحتنا ماشي

طلع كمال من الجناح بتاعهم و جالي الاوضه خبط

انا : ادخل

كمال : معلش يا مازن انا جاي اسمع المتش لو انتا مشغله

انا : يا عم ادخل اخلص

كمال : طيب (دخل و قعد جنبي كان ماتش لي ليفربول) ياخي ياخي دي شوطه

انا : عندك حق غبي

كمال : كنت عايزك في موضوع مهم

انا : (طلعت سيجاره ولعتها و ولعت ليه) خير

كمال : يعني كنت بفكر انه جيه الوقت الي اعيش فيه انا و نغم لوحدنا

انا : ام طيب

كمال : موافق

انا : ايوه فيها ايه

كمال : شكرا يا مازن و اوعدك مش ها زعلها ابدا

انا : ههههههه تزعلها و انتا لو زعلتها ها تروح مني فين الدنيا دي يا دكتور كمال ضيقه و اضيق مما تتخيل او انا اتخيل اكيد ها نتقابل بس انا عارف انك مش ها تزعلها

كمال : و جايب الثقه دي منين مني

انا : لا من نفسي ان كانه او كنا او كنتم فا نحن متلاقون

كمال : و ان تقابلنا فا نحن بالحقوق عائدون (مهتمه غاندي)

انا : نكمل الماتش علشان ماني عمل شغل عالي

كمال : ام جداً

قعدنا كملنا المتش و بعدها نزلنا نتعشي كلنا مع بعض و نغم و كمال قاعدين جنب بعض في لحظات جميله تأكله و يأكلها و يا مجنون جو محن

انا : انا مش مكمل

سحر : ليه

انا : مش لما البهوات يخلصه محن

هند : هههههه بكره تلاقي قرده بطل حسد في المتجوزين

انا : ماشي يا ست هند بس يعني احترموني شويه حتي احترمه ريان الي قاعد ده

علياء : محدش عاملك حساب

كمال : بس احنا عملنا بنك

الكل ضحك علي نكته الدكاتره الرخمه دي ههههههه

انا : ماشي يا دكتور مالك يا اميره سكته

اميره : لا مفيش (كتبت رساله علي التلفون و بعتتها ليا (عندي بتل النهارده عايزه اروح بليز بليز بليز)

انا : (رديت عليها (لو رحتي و خسرتي مش ها تروحي تاني)

اميره : (عيب عليك انا الاميره يا بيه احنا جامدين برده)

قريت الرساله و ابتسمت *# شخصيه اميره عجباني جدا رغم وحدتها بس اختارت حاجات تهتم بيها غير هند و نغم ايوه شرب السجاير غلط بس اهو وسيله و مين فينا مش بيدور علي وسيله لي تضيع وقت فراغ انا كا نور بكتب علشان اضيع وقت الفراغ *# بعد العشا طلعت الاوضه بتاعتي قعدت فيها شويه لحد ما نمت تاني يوم صحيت الساعه ١٢ الضهر شربت قهوه و لبست بدله و اخدت شنطه فيها لاب بتاعي و رحت المجموعه خلصت شويه شغل لحد ما جيه وقت اجتماع دخلت و شغلت لاب بتاعي علي بروجكتر

انا : و بكده يا ساده نقدر نقول ان مصنع الاسمنت يغطي 90% من احتياج شركه المقاولات علشان نقدر ناخد مناقصات اكتر و اكبر بس اول خطوه تحديث مصنع الاسمنت

سحر : (بص ليا بفخر) شكرا يا استاذ مازن اتفضل

ع**ت : سحر هانم الموضوع مكلف جدا

انا : يا جماعة احنا ليه مشتتين نفسنا في كذه مجال و مركزين في السياحه بس السياحه حلوه و كل حاجه بس حادث إرهابي يوقفها شهر اتنين تلاته او سنه و ممكن خريطه الاسعار بتاعت كل سنه يرفضها السايح و يروح دبي او اي بلد في اوروبا

ع**ت : عايزنا نعمل ايه يعني نجمد باقي النشاطات و نشتغل بس علي الاسمنت

انا : ايوه

عمار : مينفعش يا مازن بيه

ع**ت : عايز تخرب بتنا يا مازن

انا : (طلعت ورقه) الورقه دي وصلتني من مصادر ليا فيها خطه الحكومه الجديده من تجديد شبكه طرق و مباني حكوميه و بناء كباري و حجت كتير و دي ورقه تانيه فيها توقعات لي الشريكات الي ها تتفاوض معاها الدوله بس وله شركه من دول شيله اسم الخديوي ليه شركه المقاولات بتاعتنا ملتزمه ببناء القري و المنتجعات السياحيه بتاعتنا بس

ع**ت : علشان ده شغلنا من زمان

سحر : مهندس سعد مش سمعه ردك ايه

سعد : (مدير شركه المقاولات) سحر هانم انا جاي النهارده و معايا استقاله اقدمها لي مجلس الادارة علشان الشركه بتخسر انا كل فين و فين بنعمل مشروع العمال و الموظفين و المهندسين ها يقدمه استقالات برده

سحر : ليه

سعد : علشان احنا بنقدم بونص و علوات لما يكون في مشروع كبير زي قريه أو منتجع غير كده لا بس بعد اقتراح مازن بيه لا لو اتنفذ ها قطع الاستقاله دي حالاً ده حل امثل لي حل كل مشاكل شركه المقولات

سحر : طيب مين موافق

سته من مجلس الإدارة رفعه ايدهم موافقين

سحر : مين رافض

سته رفعه ايدهم مع ع**ت بقو سبعه

سحر : طيب يعني صوتي انا الفيصل انا موافقه

ع**ت : ازي احنا سبعه و سبعه

سحر : انا صاحبه اعلي نسبه في المجموعه 80% يعني الاغلبيه ليا انا و انا موافقه علي القرار ده الاجتماع ده خلص و نتقابل نفس اليوم الشهر الجاي استاذ مازن اعرض عليا الميزانيه علشان اعتمدها و تبدأ تتنفذ و الاجتماع الاجي نشوف النتيجه شرفته يا حضرات

خلصنا الاجتماع و انا رحت مكتبي جهزت الميزانيه و رحت لي مكتب سحر دخلت

انا : الميزانيه

سحر : ماشي يا استاذ مازن (مضت الورق و قامت اخدتني في حضنها) انا فخوره بيك يا مازن بجد

انا : طيب ايه ها نفضل كده كتير عيب الناس تفهمنا غلط

سحر : رخم و بعدين ابني و انا حره

انا : ماشي يا ست الكل

سحر : امسك يا سيدي

انا : ايه ده

سحر : دي عربيه هديه

انا : عربيه نوعها ايه دي

سحر : مكرلين

انا : مكرلين!!!!!!! بس دي غاليه جدا و بعدين الجمارك بتاعتها كبيره

سحر : و فيها ايه

انا : لا فيها كتير

سحر : بص يا مازن دي مش عربيه ده تصريح

انا : تص**ح تص**ح ازي

سحر : العربيه الغاليه و اللبس الماركه و الساعه الرول** لي المنظره

انا :بس انا مش بحب المنظره

سحر : المنظره في الزمن ده بتنفع التص**ح ده الهدف منه اني الكلام عنك يكتر يعني الصحافه تكتب مازن الخديوي يركب سياره فارهه المقصود منه انك كل فتره محتاج حاجه زي دي علشان يفضل الناس حطاك في دماغها مازن يا حبيبي رجل الاعمال الي الصحافه تبطل تكتب عنه يبقي لقمه سهله لي الحكومه لما تكون في عين الناس و الناس فاكراك انسي الدوله و الحكومه

انا : بصي انا من بعد ما عرفت نوع العربيه و انا مش في دماغي اي حاجه الصراحه مكرلين دي مفيش منها في مصر غير بتاعت محمد رمضان

سحر : و مازن الخديوي قولي انتا رايح العرض النهارده

انا : ايوه

سحر : و واخد معاك ورد

انا : عرفتي منين

سحر : من اميره أصلها فتانه

انا : هههههههههه ماشي اروح انا المكتب اخلص شغلي

طلعت من المكتب بتاع سحر و رحت مكتبي خلصت شويه ورق و راجعت ملف بس كان رخم وانا زهقت من القعده قولت اقف وقفت و لقيت باب المكتب اتفتح مره واحده

المشهد العام

اه يا دنيا كل مره تلاعبيني اروحلك يمين تيجي شمال اجي شمال تهربي يمين طول عمري انا و الفرح اعداء كل مره الماضي يدق بابه عليا و يقولي ايه نستني وله ايه انا رجعلك يا حب مش عارف اهرب منه فين او ازي بس الاكيد الماضي مش راجع بالخير

يتبع.....