الشيطان يعظ ( الجزء الثاني )

الفصل الثامن

الفصل الثامن

لازم تعمل حساب غدر الدنيا في الوقت الي بنفتكر فيه ان خلاص الماضي مات و ادفن لا الماضي عايش و عايش جوانا احنا مش حد تاني الماضي مش بيموت لازم يفضل عايش علشان احنا نعيش و ساعتها يبقي قدمنا اختيار من تلاته يا نعيش و هو بيعذبنا أو نموت بعذابه او نعيش و احنا بنتعلم منه

بدايه الفصل

رجعت المكتب اخلص شغلي و كان في ملف لازم ادرسه كويس بس كان رخم زهقت من القعده وقفت و انا ماسك الملف مره واحده باب المكتب اتفتح و دخلت منه فريده اترمت في حضني جامد. و قعدت تعيط طبعا انا مستغرب و مش فاهم حاجه

انا : فريده في ايه

فريده : (لسه في حضني و بتعيط) انا اسفه يا مازن اسفه بجد اني ضيعتك من ايدي كنت غ*يه و السكينه كانت سرقاني اسفه

انا : طيب طيب اهدي دلوقتي طيب

الباب كان مفتوح لقيت ورد دخله

ورد : (محرجه) صباح الخير

انا : صباح النور يا ورد (بعدت فريده عني) اهلا يا ورد اتفضلي

ورد : لو جايه في وقت مش مناسب ممكن اجي بعدين

انا :لالا دي فريده محدش غريب

فريده : (مسحت دمعها) انا اسفه بعد ازنكم

انا : (مسكتها) استني مينفعش تنزلي كده ادخلي الحمام اغسلي وشك

فريده : لا مش ها ينفع شكلك مش فاضي

انا : لا عادي

ورد : احنا ها نروح العرض وله ايه

فريده : اه اتفضله انا نازله

انا : استني ادخلي الحمام اغسلي وشك الاول و بعد كده انزلي الحمام من هنا

دخلت فريده الحمام و انا فضلت واقف و على وشي علامات استفهام الدنيا كلها حرفيا انا مش فاهم حاجه ايه جاب فريده بعد المدة دي تقول الكلام ده طيب حصل ايه فوقت من السرحان علي ورد

انا : ايوه يا ورد

ورد : انا اديلي ساعه بنادم عليك

انا : انا اسف معلش سرحت شويه في حاجه

ورد : لا ولا حاجه

فريده : (طلعت من الحمام) انا اسفه يا مازن لو عملت ليك مشكله

انا : لا وله اي مشكله المهم انتي هديتي شويه

فريده : ايوه

انا : طيب ممكن اجيب ليمون ليكي و تقعدي تحكي الي مزعلك كده

فريده : شكلك مش فاضي

انا : انا موريش حاجه

فريده : لا مره تانيه سلام

طلعت فريده من المكتب و جوه مني حاجه عايزه تجري عليها زي الطفل الصغير الي عايز امه (معلش يا زوز اصل مازن ع**ط شويه لا شويتين و ها تعرف مع الاحداث ليه)

ورد : انتا سرحت تاني

انا : لالا هيا الساعه كام معاكي

ورد : اربعه و نص

انا : طيب يله نتحرك

ورد : ممكن استخدم الحمام

انا : اه اوي اوي اتفضلي

دخلت ورد الحمام و طلعت بعد شويه

ورد : انا جاهزه

انا : و انا كمان

اخدت حاجتي من المكتب و قفلت الباب و نزلنا ركبت العربيه الجديده كنت متخيل اني ها كون مبهور بيها بس لا الموقف بتاع فريده شتت تفكيري جامد رحنا مول في الطريق

ورد : وقفت ليه

انا : نازل اجيب طقم اروح به

ورد : اه احسن قميص البدله اتبهدل من الدموع

انا : (اخدت بالي من القميص) اه عندك حق و بعدين مش ها روح العرض بدله اعمل زي محمد هنيدي في صعيدي في الجامعه الامريكي اروح بالبدله الصفره

ورد : (ابتسمت) مع انها شيك مفيهاش غلطه غير شويه الدموع دي

انا : يله ها تنزلي وله تقعدي الي يريحك

ورد : نازله اقعد اعمل ايه

انا : طيب

نزلت انا و ورد و دخلنا المول دخلت محل ملابس كاچول اخترت قميص و بنطلون و جزمه دخلت جوه لبستهم طلعه مظبوطين طلعت بره احاسب

ورد : ايه ده

انا : ايه

ورد : القميص لونه وحش

انا : (بصيت لي القميص الي لونه اسود ساده) ده وحش ازي

ورد : ايوه لون اسود ليه رايح عزا لا طبعا بص في قميص هنا لونه ازرق تحفه

انا : ازرق لا مش بلبس ازرق انا

ورد : بلاش الاسود بايخ عليك اسمع مني بس اللون الأزرق تحفه امسك القميص ادخل قيس بس

انا : لالا يا ستي ده كويس

ورد : انتا خسران حاجه ادخل بس يله

انا : ماشي

دخلت قست القميص كان المقاس مظبوط طلعت بره

ورد : اهو كده يا سيدي مش تقولي اسود (بصت ورايا كان في واحده بصه عليا و مركزه كلمتها) في حاجه يا حبيبتي

انسه : (محرجه) لالا مفيش

ورد : افتكر

انا : في ايه

ورد : لا وله حاجه يله علشان الساعه داخله علي سته

انا : اه طيب

رحت حاسبت و رجعنا الجراج ركبت العربيه و معايا ورد اتحركنا روحنا العرض و سجلنا جت الاستراحه

انا : يله

ورد : يله ايه دي استراحه

انا : مش سجلنا خلاص

ورد : يله بس نكمل و بعدين دول جايبين فنانين و كده كلهم خريجي الجامعه عندنا

انا : طيب يا ورد يله

ورد : ماشي

ولعت سيجاره و مسكت تلفوني و قفنا شويه و رجعنا تاني العرض و خلصنا علي الساعه ٩ طلعنا بره نركب واحد رابط شعره بتوكه و لبس بنطلون زي الفيزون ضيق اووي و عليه سويت شرت

واحد : لو سمحتي يا انسه

ورد: انا

واحد : اه (طلع تلفونه) كان هاف يور نمبر او ممكن نشرب كوفي في اي مكان قريب اني تايم

انا : جرى ايه يا روح امك مش واقف مع واحد

واحد : سوري يا برو انا بس بتعرف علي المرشمله

انا : مرشملو ماشي يا ظريف (قفلت الباب بهدوء و رحت ليه و انا مبتسم) طيب نتعرف احنا الاول

واحد : اه اتس اوكي انا

انا : لالا اعرفك بنفسي الاول

واحد : اتس اوكي مان

انا : (ابتسمت) مازن هارون الخديوي (نزلت علي وشه بونيه تقيله وقع علي الارض) عرف*ني يا روح امك

واحد : (وقع علي الارض مقمش)

انا : (نزلت اطمنت انه لسه عايش) انتي لسه واقفه

ورد : (وشها احمر من ال**وف) ها

انا : اركبي يله

ورد : حاضر (ركبت بسرعه)

انا : يتعرف قال هيا نقصه **** البس لبس رجالي الاول يا ***

ركبت العربيه و اتحركت و انا ساكت خالص

ورد : ها تفضل ساكت

انا : اتكلم اقول ايه انتي سكنه فين في زايد

ورد :......

انا : طيب ها وصلك علشان الوقت اتأخر

ورد : طيب في الفا مركت قبل البيت ممكن تنزلني عنده

انا : ليه انزلك تحت البيت

ورد : لا انا ها شتري شويه حاجات لي البيت

انا : اطلبي دليفري

ورد : الواد بتاع الدليفري بصلي بص مش كويسه خليت صقر يعلقه

انا : طيب اوصلك لي الماركت و استني ارجعك علشان انا مش قد صقر ولا غبائه

ورد : بس انا مش عايزه اتعبك

انا : لا انا صايع يا ستي يله

وصلتها و نزلت معاها بعد ساعه انا ماشي بعربيه و ورايا ثلاث عربيات ممشيهم موظفين في المكان

ورد : اه دي الجبنه فاضل الشوكولاتة بس

انا : انتي جايبه ثلاث الف نوع شوكولاتة كفايه

ورد : الشوكولاتة دي الي انا بحبها فاضل صقر

انا : و من امته صقر بياكل شوكولاتة من امته

ورد : (مسكه ضحكتها بالعافيه) طيب اجيب مكرونه

انا : (بصيت حوليا و انا متنرفز عايز اجيب حاجه اخبطها علي دماغها لقيت كيس مكرونه بس حجم سته كيلو رفعته في العربيه) المكرونه

ورد : دي صوابع انا عايزه نوع تاني

انا : كان يوم اسود يوم ما شوفتك يا صقر انتا و بنت عمك

ورد : (ضحكت ضحكه الصراحه كانت زي العيل الصغيره) ههههههه

انا : (وسط النرفزه ضحكتها دوبتني الصراحه) بتضحكي علي ايه

ورد : علي شكلك الصراحه يضحك

انا : طيب يا ستي شوفي عايزه ايه

ورد : لا خلاص تمام نحاسب

انا : انا نفسي اسمع الكلمه دي من بدري يله

رحنا حاسبت و اخدنا الاكياس في العربيه الشنطه اتملت اخدنا اكياس قدام علي رجلينا

انا : (قاعد سايق و فوق مني اربع اكياس كبار) دول شويه حاجات ناقصه ده انتي ناقص تشتري الماركت كله

ورد : اعمل ايه صقر بياكل كتير بس ممكن اسألك سؤال

انا : (ركنت تحت العماره) مين الي كانت حضناني و بتعيط في المكتب

ورد : (وشها احمر من ال**وف) عرفت منين

انا : البدله مفيش فيها حاجه و انتي كل كلامك اني عليها دموع بس افهمك يا ستي فريده حب حياتي من الطفوله بس ابن عمي وقع بنا علشان اسبها سبتها و خطبها هو

ورد : ام و جايه تعيط ليك و تقول اسفه اني سبتك صح مازن دي باعتك تجري وراها ليه و تمسك فيها ليه انتا كأنك بتقولها انا لسه بفكر فيكي

انا : مين قال اني نسيتها

ورد :تبقي ع**ط لو لسه بتفكر فيها بعد كل الي حصل ده مازن الدنيا بتد*ك فرصه تانيه حياه تانيه و انتا و شطارتك يا تاخدها يا ترجع لي حياتك القديمه بص انا اسفه لو بدخل في حاجه مش من شأني بس دي مجرد نصيحه يله اشوفك بعدين

ندمت عيله صغيره شكلها شغاله معاها طلعت كل حاجه و انا رجعت البيت تاني كانت نغم و علياء تحت

انا : ايه يا بنات

هند : ايه يا ميزو

انا : فين سحر

علياء : بره البيت

انا : طيب فين كمال يا نغم

نغم : في الشغل نص ساعه و يوصل

انا : طيب كويس انا طالع فوق

هند : خليك معانا شويه

انا : طيب انتي عامله ايه في شغلك

هند : اهو الدكتور و الدكتوره الي جبتهم معايا في المركز شاله عني الحمل شويه

انا : طيب عامل ايه يا ريان

هند : ريري رد علي خالو

ريان : (بص ليا من فوق لي تحت و بص بعيد)

انا : في ايه يا ريان

ريان : عايز شوكولاتة انتا مش بتجبلي شوكولاتة ليه

انا : انا بس كده يا عم دي سهله بكره اجبلك شوكولاتة و اخدك تروح تقص شعرك ده

ريان : لا شعري لا

انا : يا حبيبي شعرك طويل وله انتا مش راجل الراجل شعره يبقي قصير

ريان : ماشي يا خالو بس بكره تجبلي شوكولاته

انا : ماشي يا عم ريان بكره

قعدنا شويه جيه كمال و معاه بوكيه ورد

كمال : مساء الخير يا جماعه

نغم : (ب**وف) مساء النور

انا : مساء النور يا دكتور

كمال : (ادا البوكيه لي نغم) اتفضلي يا نغم

نغم : (وشها احمر من ال**وف) شكراً

انا : (شايف الاتنين و سعيد الانها أخيراً نغم سعيده) طيب اطلع يا دكتور غير هدومك علشان العشاء

كمال : اه حاضر

طلع فوق يغير هدومه و نغم طلعت بعده اتجمعنا كلنا علي السفره نتعشي و بعد كده طلعت الاوضه بتاعتي و سحر جت ورايا

سحر : انتا صاحي يا حبيبي

انا : ايوه صاحي

سحر : سجلت النهارده

انا : ايوه

سحر : ها تدرس ايه

انا : بزنس

سحر : كويس بزنس كويس

انا : (بصيت ليها شويه) قولي عايزه ايه

سحر : ها وله حاجه يا حبيبي انا بطمن عليك بس

انا: طيب انتي عايزه تقولي حاجه ايه هيا

سحر : الصراحه نفسي في حاجه كده

انا : نفسك في ايه و انا اعمله

سحر : نفسي تتجوز

انا : اتجوز انا مكمل 21 اهو لسه

سحر : و فيها ايه لما تتجوز

انا : لا انا لسه بدري عليا

سحر : يا حبيبي نفسي افرح بيك قبل ما اموت

انا : بعد الشر عنك بلاش السيره دي

سحر : اسمع مني بس الاستقرار حلو برده

انا : ماشي بس مش دلوقتى

سحر : يا مازن بقولك نفسي افرح بيك تقول مش دلوقتي

انا : طيب ماشي ها شوف الموضوع ده

سحر : تشوف ايه بس

انا : اشوف نفسي و بعدين انا لسه مش مقرر عروسه و الجو ده

سحر : انا مختاره ليك عروسه زي القمر

انا : قصدك هايدي رشوان صح

سحر : لا يا سيدي بلاش هايدي

انا : طيب مين

سحر : ورد سلطان ال**بد

انا : نعم

سحر : ايه ورد بنت جميله و ذكيه و تعرف تربيك لو زعلتها

انا : طيب معلش انتي تعرفي ورد منين علشان تقولي عليها كل ده

سحر : من شكلها

انا : مظاهر خداعه

سحر : أنا عندي نظره في الناس كويسه جداً

انا : بلاش كلام في الموضوع ده علشان دي بنت عم صقر و صقر زي اخويا مش عايز اخسره

سحر : بص فكر في الموضوع ده ماشي بلاش تركنه و فكر فيه يله تصبح علي خير

انا : و انتي من اهله

طلعت سحر و كلامها لسه في دماغي مش قادر ابطل تفكير فيه و مش قادر انام خالص قومت عملت فنجان قهوه و قعدت في البلكونه و دماغي رجعت لي وره فتره طويله جدا ثلاث سنين

فلاش باك

من ثلاث سنين كانت قصه فريده بالنسبة ليا نارها لسه سخنه كنت تعبان نفسيا و كان بعد خطوبه فريده و عماد قافل علي نفسي الاوضه و نفسيتي مدمره خالص قاعد و مطفي الانوار كلها و بحرق في سجاير بس دخل عليا صقر

صقر : ايه يا عم السحابه السوده الي عملها دي كحكحكح دخان كتير (فتح شباك الاوضه و قعد قدامي اخد السجاره من ايدي و طفاها) ايه يا عم مازن الدكتور قال بلاش تدخين ل مده ١٠ ايام انتا لسه مكملتش يومين

انا : مش ها تفرق يا صقر كلها محصله بعضها يومين زي عشره

صقر : مالك ياض انتا فيك ايه

انا : اخدت اكبر خازوق في حياتي يا صاحبي

صقر : طيب و الي ياخد خازوق يفضل قاعد عليه وله يقوم و يمشي

انا : ها تفرق كلها خوازيق

صقر : لا يا صاحبي تفرق كتير انتا لبست خازوق و انتا متغفل نعمل ايه نفوق للي جاي لسه يا مازن دنيتا كبيره لسه مشفناش فيها اي حاجه قوم اغسل وشك و فوق و تعاله معايا

انا : علي فين

صقر : علي الجبل نقضي كام يوم هناك

انا : لا سبني هنا

صقر : ابداً اسيبك كيف انتا صاحبي لو سبتك ابقي زي ابن عمك و انا مش زيه يله انا طالع اكل رز بلبن مع امك علي ما تغسل وشك و اعمل حسابك لو مقومتش بمزاجك هاجي اقومك بالعافيه و انتا فاهم

طلع صقر و سابني قعدت شويه مع نفسي و انا زهقت من الاوضه و فكرت في كلامه طلع منطقي شويه خلاص لزم اقوم قومت غسلت وشي و غيرت هدومي طلعت بره

صقر : تسلم ايدك يا خالتي

امي : بالهني يا حبيبي

صقر : اهو الشملول طلع بعد ازنك يا خالتي أخده معاها كام يوم

امي : خده يابني بدل قعدته في الاوضه

صقر : يله

انا : يله

نزلت مع صقر و رحنا القبيله نظام البيوت هناك. مش خيم و الجو ده لا هيا قريه كبيره بنوها بنفسهم وسط الصحرا و البيت بتاعهم في النص بيت شيخ القبيله الشيخ حسن

حسن : مازن كيفك يا ويد

انا : بخير يا حج حسن

حسن : طيب اطلع مع صقر انتا مش غريب البيت بيتك

انا : معلش بتقل عليك يا حج

حسن : تقل اه يا ويد انتا كيف صقر و غالي عندي

صقر : قوله يا ابوي

حسن : يله ادخله من البرد

دخلنا البيت عندهم و صقر عنده سبع اخوات كلهم صبيان و كل واحد في حته شكل صقر اصغرهم دخلنا اوضه صقر قعدت هناك يومين مش بتكلم مع حد و اكلي قليل و حلتي النفسيه مش مظبوطه

انا : تمام سفره ديمه يا جماعه (قومت اغسل ايدي)

حسن : لو فضل كه ها يموت

صقر : مش عارف اعمل ايه معاه

حسن : هو بالنسبه ليك ايه

صقر : (سرح شويه) اخويا تخيل يا ابوي في الوقت الي كل الناس في المدرسه كانه ياخده جنب مني مازن وقف و جعد جنبي (صقر شكله مش وحش بس يخوف) بين ليهم اني ايوه شكلي وحش و حجمي اكبر منهم. كلهم بس بني ادم زي زيهم و انتا عارف يا ابويا الصعايده ميدخلوش البدو او العرب بيتهم هو لا دخلني بيته و امه استقبلتني احسن استقبال

حسن : طيب يبقي تروح تزور عمتك كريمه النهارده

صقر : (استغرب) عمتي كريمه

حسن : ايوه عمتك كريمه هيا الحل

صقر : ماشي يا ابوي

قام صقر و جالي قدام البيت

صقر : بقولك

انا : قول

صقر : عايزك تيجي معايا مشور

انا : ماشي

صقر : مش تعرف فين الاول

انا : مش ها تفرق كتير هنا هناك يمين شمال

صقر : طيب تعاله

قومت اتمشيت معاه لحد ما وصلنا لي جبانه (مدافن) الليل دخل علينا وصلنا لي بيت في الطل و مفيش جنبه حاجه غير المدافن خبط صقر و بعد شويه فتحت ليه ست عمرها كبير جدا و شكلها مش بتشوف

ست : يا مراحب بالحبايب

صقر : كيفك يا عمه كريمه

كريمه : بخير يا ولد حسن (اخدت نفس طويل) معاك عاشق

صقر : ده صاحبي

كريمه : و اكتر من اخوك ادخله يا ولد ادخله

دخلنه جوه كان بيت عادي بس مبني من الخشب و عادي يعني في نار مولعها لي الدفا و قاعده علي الارض

كريمه : اقعد يا صقر اقعد يا بني وله مش بتحب قعده الارض كلنا ليها يا ولدي اقعد

انا : (قعدت)

صقر : ده مازن يا عمه

كريمه : يا مراحب بالاشراف الي من نسل اشراف

انا : مرحب بيكي يا حاجه

كريمه : قولي يا ولدي ليك في البن

انا : ايوه

كريمه : صقر عندك البن اعمل كبايه لي صاحبك (و شورت علي مكان الحاجه) قوم يا ولدي

قام صقر و عمل قهوه كان طعم البن حاجه خرافه

كريمه : عجبك البن يا ولدي

انا : ايوه

كريمه : اهو البن يا ولدي ليه سر هيا حبه سوده و مره بس قادره تسعدك زي ما انتا سعيد دلوقتي

صقر : بس انا اول مره ادوق البن ده عندك يا عمه

كريمه : ده بن مش بيطلع غير لي الغالين الي يقدره طعمه

صقر : ماشي يا عمه اجيب مارن معايا كل مره

كريمه : يا ريت يا ولدي مش كل يوم يعدي علينا واحد حليوه زيه

انا : (استغرب هيا عرفت شكلي منين هيا مش بتشوف)

كريمه : ايوه يا ولدي مش بشوف بس الحلاوه مش حلاوه شكل لا الحلاوه حلاوه قلب روح طاهره بس بدأت الدنيا تديها يمين و شمال احكي يا ولدي احكي

صقر : احكي يا مازن احكي

انا : (اخدت نفس عميق و حكيت كل حاجه)

كريمه : نار الانتقام في قلبك شايطه و شماها من مكاني

انا : و المفروض اسكت

كريمه : بيدك تعمل حاجه تروح تقتله روح السلاح كتير بس و بعد ما يموت اقولك بعد ما يموت تهرب و تعيش هربان و خايف قولي يا ولدي كل الناس عايزه تنتقم من اي حد لمسهم في يوم و وبينتقمه بس بيصبره كيف مش برود لا الانتقام لازم تصبر عليه لما يجي وقته و تحس انه صح

انا : خلاص اصبر

كريمه : (مدت ايدها اخدت الفنجان مني قلبته) طريقك طويل يا ولدي متأكد انك نفسك هيا نفسك انتا متعرفش نفسك و ها يجي يوم تحس انك لسه مش عارف نفسك تايه في الارض بتقول يا خلق دلوني و انتا في يدك الدليل حيران يا عاشق و معشوقتك قدامك بس كيف ما قاله زمان قلب ادم يعشق من صنف حوا الف مستنياك بدويه لبسه الشال و ابوها لبس عقال دهب و فضه طريقك طويل يا ابن حوا و ادم في الوقت الي تحس انك تايه امسك في كلام امك الي ربتك هيا الي زرعت جواك طيبه القلب بس حواليك عقارب كتير يا تهرب منهم يا تعيش معاهم و يلدعوك يا تروضهم و تلجمهم يوم يا تشق طريقك اعرف اني الحراس في ضهرك (ركنت الفنجان جنبها) قرايه الفنجان مش عايزه بصر عايزه بصيره امسك يا ولدي كيس البن ده

انا : (اخدت كيس البن)

كريمه : و الكشكول ده كمان

انا : (اخدت الكشكول) اعمل به ايه

كريمه : الدنيا ها تضيق عليك علشان كه لزم تمشي روح مصر خان العطارين اسأل عن الحاج خليفه و قوله الكشكول ده من كريمه ال**بد و امانه راجعه لي اصحابها

انا : بس اروح القاهره اعمل ايه

كريمه : ها تعرف قوم يا صقر البرد شد تلحق ترجع مع صاحبك

قومت انا و صقر و حاسس اني انسان جديد كلامها غيرني حرفيا رجعنا البيت عند صقر و قعدت مع ابوه عرفته الي قالته الي حصل سكت و طلعت فوق مع صقر ننام و تاني يوم نزلنا انا و هو نلف في الجبل شويه حسن معرفش ينام طول الليل و اول ما طلع النهار راح لي كريمه

كريمه : خايف تيجي بليل يا ولد ابوي

حسن : قولت ليكي مليون مره ابني ليكي بيت وسط الناس

كريمه : انا وسط الناس يا اخوي يفرق ايه ميت من ١٠٠ عن ميت من الف سنه علشان تخاف تيجي بليل هنا و تروح مقابر قديمه تبحت فيها

حسن : و عرفتي منين يا كريمه

كريمه : الحراس اياك تكون مفكر الشيخ الي معاك بالسبحه و شويه البخور يقدر يراضي الحراس تبقي ع**ط يا ولد ابوي

حسن : كلامك لي مازن وصلني

كريمه : مزعلك انه الحراس ها يكونه في ضهره و انتا لا

حسن : مش زعلان بس اشمعنا

كريمه : في كل حكايه يا ولد ابوي فيها اشمعنا ابليس طلع من الجنة بسبب اشمعنا تحب تطرد من الجنة

حسن : و احنا في جنة يا كريمه

كريمه : جنتك انتا غير جنه فيها فلوس كتير ورق ملون ملعون به من زمن لو زعلت مازن الحراس ها يزعله يجردوك من كل مالك و كله بأمره

حسن : مش عارف يا خيتي مازن ده غريب

كريمه : مازن مليان اسرار هو نفسه مش عارفها و يوم ما يعرفها ها يتوه الحاجه الوحيده الي ها تخيل محافظ علي عقله هيا البدويه

حسن : مين البدويه

كريمه : ربك اعلي و اعلم

حسن : كيف يتجوز بدويه و هو صعيدي

كريمه : اديله عهد اخوه مع صقر

حسن : ادي عهد اخويه لي ابني مع صعيدي

كريمه : بني ادم زيه زيك محدش قادر يفهم اني الي قدامه ابيض اسود طويل قصير او حتي تخين او رفيع كلهم بشر يا اخوي

حسن : مستحيل

كريمه : انتا بتبحت عن بطن في الجبل و الشيخ مش عارف يوصلها وله عارف ليها سكه او طريق صح

حسن : صح

كريمه : اجبلك اولها و اخرها بس تدي مازن العهد و تشيل ليه نصيبه

حسن : لو وصلت ليها ليكي الي انتي عايزه

كريمه : ماشي الفجر تيجي لعندي و انتا طاهر

حسن : خليها في نهار

كريمه :الي يخاف من الليل بلاش يدور علي البطن دي

حسن : كلامك ماشي يا خيتي

قام حسن و رجع بيته و انا و صقر رجعنا كلمت امي اطمنها عليا و بليل نزل حسن من البيت راح لي اخته و اخد اخته و راحه كهف في الجبل دخلت كريمه كان الشيخ و العمال هناك

كريمه : السلام يا أهل السلام

الشيخ : السلام علي اهل السلام و الرحمه

كريمه : قولي يا ولدي وصلت لي عمق قد ايه

الشيخ : ثلاثين متر

كريمه : فوته

الشيخ : كيف

كريمه : ده رصد نجس و من الحراس انجس واحد فيهم

الشيخ : (خاف و بدا ركبه تخبط في بعضها) حارس السماح السماح يا حراس المدينه السماح السماح يا كبار

كريمه : اجمد ده انتا الشيخ

الشيخ : شيخ مين انا ع**ط السماح السماح

الجبل بدا بتهز كأنه زلزال و صوت رخيم مش معروف مكانه

صوت : اهلا بي بت البدو

كريمه : ارحل

صوت :ارحل بعد ما ازني معاكي

كريمه : عايز تنجس جتتي يا نجس ارحل

صوت : ازني معاكي في سريري ارحل

كريمه : انا كريمه بنت حوا الي حاول اسلافك يزنه في امي و اخره غواها بتفاحه اسلم ليك يا نجس ارحل و عليك السلام و الامان او ارحل رماد

صوت : رماد يبقي تدفني هنا انتي و الي معاكي

كريمه : ارحل بالتي هي احسن او ترحل رماد ارحل اقسمت عليك ان ترحل ارحل و ترحل رماد يا نجس ارحل في سلام او ترحل باسم العالي او ترحل باسم حارسه مدينه الملوك و المليكات ارحل بالتي هي أحسن

صوت احصنه كتير جدا في المكان و خبط رجول احصنه و بعدها الصوت سكت و الجبل استقر و كل حاجه رجعت زي ما هيا

كريمه : قوم يا شيخ

شيخ : شيخ مين انا خدامك

كريمه : تبطل تزعل الحراس و الي متفهمش فيه متلعبش به اوعي تلعب بالنار تاني يا ولدي كل رصد و ليه كبير بلاش تتحدي الاكبر منك

شيخ : السماح يا كبيره

كريمه : السماح تاخده باسم ربنا العالي علشان يسامح علي النجاسه الي كنت بتعملها قوم و امشي قوم فز (خبطه بالعصايه بتاعتها طلع يجري زي الممسوس) حسن.

حسن : ايوه يا خيتي

كريمه : وعد حر انك تدي مازن نصيب و العهد

حسن : يا نصيبه يا العهد

كريمه : بتلاوع يا ولد ابوي يبقي ارجع زي ما جيت و الحارس يرجع تاني و اد*ك شوفت شيخك قام زي الممسوس تروح معاه

حسن : لالالا خلاص يا خيتي الي تقولي عليه

كريمه : وعد حر

حسن : وعد حر

كريمه : (مشيت ناحيه الحفره الي في الارض) يا رجال اطلعه 15 متر و احفره تلقه السلم عشرين درجه اول خمسه عاديين و تاني خمسه سلالم قلاب (سلالم لو دوست عليها تتقلب و تنزل تحتها في حفره مهلك) و الباقي علي نيتكم الي نيته مش صافيه بلاش ينزل

حسن : يله يا رجال مش هنام هنا

بدأه ينزله و يشتغله و كريمه رجعت تاني لوحدها بيتها و تالت يوم طلبتني انا لوحدي روحت ليها

انا : طلبتيني يا حجه

كريمه : بص يا ولدي انتا في وشك الرزق كله حسن اخويا شغال في الاثار و من ساعه ما وصلت بيته و الرزق جاله و هو عرف ان ليه سبب و سايب ليك امانه عندي

انا : امانه امانة ايه.

كريمه : (حركت شنطه جنبها) افتح يا ولدي

انا : (فتحت الشنطه كان فيها دولارات كتير جدا اول مره اشوف فلوس بالشكل ده)

كريمه : ها تعمل ايه بالفلوس دي كلها

انا : (قفلت الشنطه تاني و انا محتار ممكن تستغربه ايه يخليني احتار وسط كل الفلوس دي احقق احلامي بس لا انا محتار) مش عارف و بعدين هو يديني فلوس ليه اساسا

كريمه : علشان انا طلبت منه الفلوس دي ليك مش علشان انتا قليل او فقير لا انتا طريقك طويل قوي يا ولدي و محتاج لي كل حاجه تساعدك و الفلوس دي شيلها لحد ما تعقل انتا لسه عودك اخضر في الدنيا

انا : طيب ينفع اشيلهم عندك

كريمه : لو جيه الامر و موت قبل ما تاخد امانتك ادخل البيت ده و نادي الامانه انا صاحب الامانه و الباقي سيبه علي الي خلقك و خلقني

انا : ماشي يا حاجه ارجع انا

كريمه : طرق السلامه يا ولدي

طلعت من عندها و رجعت البيت بتاع صقر و بليل في حفله علشان العهد كان اهل القبيله كلهم موجودين و طبل و رقص من الرجاله وقف حسن وسط الكل

حسن : متجمعين في الخير يا اهل ال**بد النهارده انا بدي عهد اخوه بين صقر و لدي و رفيق دربه مازن يا مازن بعد العهد انتا ولدي و اخو صقر تبقي منا و نبقي منك حدودك اخر جبال الارض و سقفك سما ربنا تحمي اخوك و ضهرك في ضهره

انا :بعمري

حسن : صقر يا ولدي من اليوم مازن مش صحبك اسم لا اخوك و بينك و بينه عهد اخوه لا سلاحك يترفع في وشه وله سلاحه يترفع في وشك الي يخلف يبقي منبوذ تمشي معاه الارض و لو رايح جهنم معاه و لو مشي في الدم قبل الخير معاه امين يا صقر

صقر : امين يا ابوي

حسن : امين يا مازن

انا : امين يا شيخ حسن

حسن : (حط الشال بتاعه علي كتفي و طلع خنجره) لو سلاحك اترفع علي صقر

انا : ابقي منبوذ

حسن : لو سلاحك اترفع علي مازن

صقر : ابقي منبوز

حسن : (قسم تفاحه و عطي كل واحد نص) تفاحه طلعت ادم من الجنه تطلعه مع بعض

صقر : (اكل حته) نطلع مع بعض

انا : (عملت زيه) نطلع مع بعض

حسن : (مسك ورقه توت) ورقه توت سترت ادم تستره بعض

صقر : نستر بعض

انا : نستر بعض

حسن : (مسك كبايه فخار فيها للبن) كبايه للبن اخر زاد علي الارض تقسموها مع بعض

صقر : نقسمها مع بعض

انا : نقسمها مع بعض

حسن : انته قعدته علي كرسيكم اصحاب ها تقومه اخوات الزاد يا ولد

بداء الطبل و الرقص من الرجاله رقص بدوي و خلص اليوم رجعت انا و صقر الاوضه و نيمنا تاني يوم صحيت علي تلفون من امي

امي : مازن انتا فين

انا : انا مع صقر

امي : عمك حسين اخد التحاليل و الورق و قدمه في محكمه الاسره و ها يرفعوك من وصايتي

انا : طمعان في الأرض ابن الكلب مش مكفيه

امي : طلب حفظك في دار لحد ما يص*ر القرار و قوه من المركز جايه ليك

انا : طيب اهدي اهدي خالص و انا ها تصرف لو غبت اسبوع متقلقيش ماشي

امي : ها تروح فين.

انا : تخفيش عليا ماشي يا امي انتي مخلفه راجل

امي: ربنا يسترك و يبعد عنك ولاد الحرام

انا : امين سلام يا امي سلام

قفلت معاها و صقر كان قاعد على سريره

صقر : خليك هنا و محدش ها يلمس منك شعره

انا : مش ها ينفع يا صقر صعب المشاكل كتيره حوليه

صقر : انتا اخويا يعني مشاكلك مشاكلي

انا : خليها لي مشاكل تانيه يا صاحبي انا لازم امشي

صقر : رايح فين

انا : حدودي اخر الارض و سقفي السماء

صقر : ماشي يا اخوي

######